Flash News

Zjarret në vend, 4 vatra zjarri ende aktive, si paraqitet situata

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

POLITIKOFF

“Spatrimi etnik i shqiptarëve: Çamëria dhe Lugina e Preshevës”, çelet ekspozita me mesazhe të forta për shqiptarët e Medvegjës

Politiko 19 Janar 2021, 18:18

“Spatrimi etnik i shqiptarëve: Çamëria dhe Lugina e

Shoqata patriotike “Çamëria” ka çelur së fundmi ekspozitën “Spastrimi etnik i shqiptarëve: Çamëria dhe Lugina e Preshëves” në ambientet e kalasë së Tiranës. Përmes disa fotografive nga këto dy treva shqiptare, shoqata kërkon që të mos përsëritet historia e Çamërisë me shqiptarët e Medvegjës.

Organizuesit e ekspozitës kanë treguar se synojnë që të ndërgjegjësojnë nëpërmjet saj faktorin vendas si dhe atë të huaj për shpopullimin e Medvegjës nga serbët.

“Spatrimi etnik i shqiptarëve: Çamëria dhe Lugina e

Në shekullin e kaluar, shqiptarët u përballën me spastrim të dhunshem etnik në Çamëri dhe Sanxhak, ndërsa sot misioni shpopullues serb në Luginën e Preshevës vazhdon me mjete të tjera duke detyruar shqiptarët të largohen nga shtëpitë e veta”, tha Alket Veliu, kryetar i fondacionit “Hasan Tahsini” gjatë hapjes së ekspozitës.

Kreu i Shoqatës Patriotike “Çamëria”, z. Hektor Sejko, u shpreh se kjo ekspozitë flet më shumë se çdo orator. “Drama e Çamërisë po përsëritet në Medvegjë. Ne nuk e lëshojmë Çamërinë dhe do ta mbrojmë Medvegjën. Janë tokat tona, shtëpitë tona”, u shpreh ai.

“Spatrimi etnik i shqiptarëve: Çamëria dhe Lugina e

Në këtë ekspozitë ishte i pranishëm edhe kreu i PDIU, Shpëtim Idrizi. Ai kërkoi ndërgjegjësim për spastrimin etnik që po iu ndodh shqiptarëve të Luginës dhe apeloi që të mos lejohet kthimi i saj në një Çamëri të dytë.

“Medvegja sot ka vetëm 10% të shqiptarëve, kurse 90% e tyre janë dëbuar. Malësia e Bujanocit është shkretuar gati tërësisht. Sot atyre nuk iu lejohet kthimi dhe janë fshirë nga regjistrat civilë. Ky presion i Serbisë ndaj shqiptarëve të Luginës së Preshevës është një diskriminim i pashoq në Evropën e sotme. Për të mos lejuar spastrimin e Luginës së Preshevës duhet angazhim më i madh i spektrit politik në Shqipëri e në Kosovë. Këto troje strategjike janë të Kosovës, janë të Shqipërisë, jo të Serbisë”, u shpreh Idrizi.

Ekspozita do të vazhdojë të qëndrojë e hapur në kalanë e Tiranës deri në datën 24 janar.

Të fundit