Stile e bukuri të ndryshme, cila prej kandidateve për Këshill Bashkiak dallon nga listat e PS-së dhe koalicionit "Bashkë Fitojmë"

Ndërsa politika është në ethet e zgjedhjeve të 14-majit, Partia Socialiste dhe koalicioni "Bashkë Fitojmë"kanë dorëzuar listat e tyre në KQZ dhe skuadrat e partive të përfshira po punojnë për t``u prezantuar në mënyrën m të mirë të mundshme.

Ne në "Politik-Off" mundohemi të japim një tjetër anë të politikës, atë jo-politike. Ndaj në këtë shkrim, kemi veçuar disa nga vajzat dhe gratë kandidate për Këshill Bashkiak në disa nga qytetet shqiptare.

Theksojmë se bukuria është shumë subjektive dhe po ashtu edhe preferencat për stilin, por në optikën e "Politik-Off", jemi munduar të përzgjedhim një larmishmëri të stileve, bukurive dhe moshave.

Të preferuarën, ua lëmë në dorë juve ta zgjidhni!

Disa nga vajzat dhe gratë më me stil nga lista e PS-së për Këshill Bashkiak në qytete të ndryshme të Shqipërisë:

Tirana udhëhiqet nga Romina Kuko, i cila ka një stil të kuruar dhe "të pastër". Pra, me veshje serioze, hera herës dhe monocrom. Në veshjet e Kukos mbizotëron kryesisht ngjyra e zezë dhe xhaketa është "identifikim" për Zv. ministren e brendshme. Kuko po ashtu, ka përherë një model të njëjtë flokësh, të kapura ose të lëshuara dhe të kthyera në një anë, në drejtimin e majtë, duke mos eksploruar kështu shumë me stilin e saj dhe duke i qëndruar besnike një modeli të caktuar: të thjeshtë dhe tipik zyrtar.

Ndërkohë, në Durrës, Ana Dhamo, duket se guxon më shumë me stilin. Dhamo pëlqen këmisha krem dhe duket se këmishat me printe janë të preferuarat e saj. Preferon që flokët ti ketë të krehura dhe baluket deri tek mollëzat e faqeve, janë identifikim për kandidaten për Këshill Bashkiak në Durrës.

Ermira Urupi, kandidatja për KB për qytetin e Elbasanit për PS-në, ka një stil që i përshtatet plotësisht fizikut të saj.

Urupi është e kujdesshme që të duket e kuruar, e krehur dhe veshjet e saj kanë prerje oversize. Urupi po ashtu ka një shije në kombinimin e ngjyrave, duke e bërë atë më të veçantë në mënyrën sesi paraqitet për publikun.

Jona Leqjeza, kandidate për Këshillin Bashkiak në Shkodër, duket se ka "epërsi" në listën e PS-së, pasi bien n sy tiparet e saj tipik veriore shqiptare: flokë të gjatë, sy blu, bukuri natyral dhe një stil shumë minimal.

 

Disa nga vajzat dhe gratë më me stil nga lista e koalicionit "Bashkë Fitojmë" për Këshill Bashkiak në qytete të ndryshme të Shqipërisë:

Një nga kandidatët për Këshillin Bashkiak për koalicionin "Bashkë fitojmë", për qytetin e Shkodrës është Izmira Ulqinaku. Ulqinaku njihet për një look të thjeshtë, për flokët brune dhe xhaketat shumë ngjyrëshe, të cilat më së shumti i kombinon me pantallona serioze, të ngushta. Kryesisht flokët i mban të lëshuara dhe të krehura.

Një tjetër emër me peshë në listën e "Bashkë Fitojmë" për Durrësin, është ai i mjekes Eda Harizi. Mjekja neurologe prej vitesh është shefe e këtij reparti, por edhe Presidente e Urdhrit të Mjekut të Durrësit, ndërsa në periudhën e pandemisë Covid19 fitoi popullaritet të madh me këshillat e saj për qytetarët. Për shkak të profesionit të saj, është ë vështirë të gjesh shumë foto të mjekes Harizi, pasi më së shumti stili i saj përbëhet prej bluzës së bardhe dhe këpucë të sheshta, për të kapur ritmin e punës në spital.

Manjola Luku është po ashtu në listën e koalicionit "BF" për Durrësin, e cila po ashtu mban profesionin e mjekes. Luku karakterizohet nga një stil klasik, me flokët e gjatë e të zinj, që i japin një portret akoma më të bukur.

Afërdita Gjini, është në listën e Këshillit Bashkiak për koalicionin "Bashkë Fitojmë". Gjini ka një stil shumëngjyrësh, me flokët e shkurtër biond. Preferon po ashtu stilin klasik xhaketë këmishë, ku kujdeset që këmishat të jenë me printe dhe elegant.