Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Talebanët i mbuluan me bojë portretin e nusërisë, Beatrix Ramosaj ‘thyhen’ heshtjen

Politiko 20 Gusht 2021, 19:36

Talebanët i mbuluan me bojë portretin e nusërisë, Beatrix

Marrja e Afganistanit nga talebanët, solli një përmbysje totale të rregullave dhe mënyrës së jetesës me të cilën kishin jetuar deri tani qytetarët afganë.

Vetëm pak orë pas marrjes së pushtetit, talebanët filluan të mbulonin me bojë të gjitha posterat me portrete nusërie, mes të cilave ishte edhe imazhi i këngëtares shqiptare Beatrix Ramosaj.

Këngëtarja ka reaguar lidhur me kaosin e krijuar dhe fshirjen e imazhit të saj nga salloni i nusërisë në Kabul. Përmes një postimi në Instagram, Ramosaj shkruan se ndjehet jashtëzakonisht keq për fatin e vajzave dhe grave afgane, të cilat tashmë ‘nuk do të kenë asnjë grimcë lirie’.

“Shumë njerëz më kanë pyetur si ndihem për fshirjen e fotografisë sime nga vitrinat e Kabulit.
Jam pa fjalë dhe ndihem jashtëzakonisht shumë keq, jo sepse është portreti im, aty mund të ishin me mijëra vajza të tjera shumë të bukura, por sepse mendoj për të gjitha ato gra dhe vajza që tashmë s’kanë më asnjë grimcë lirie dhe mundësi për të shprehur veten.

Ndihem shumë keq, si artiste dhe si femër, pasi mendoj se roli jonë është akoma më i madh se i të krijuarit art, por edhe për të ngritur zërin për çështje të ndryshme, për të frymëzuar, për të dhuruar ëndrra dhe shpresa për më të vegjlit.

Ndoshta për disa, ato fotografi janë thjesht fushata promocionale për të shitur fustane, por në një shoqëri që ishte ende duke u rimëkëmbur, ishin një fije shprese më shumë për vajzat e vogla, që duke parë ato fotografi ndoshta ëndërronin të ardhmen e tyre të bardhë, të drejtë, të lumtur, me partnerin e zemrës që kanë zgjedhur vetë dhe kurrsesi duke parë ato fotografi nuk do mendonin se pas 20 vitesh talebanët do të ktheheshin e do të shuanin ëndrrat e tyre. E urrej faktin që pas shumë vitesh përpjekje për liri, por dhe për të ngritur imazhin e gruas në Afganistan, tani çdo gjë është rrënuar.

Por unë vij nga një familje e fortë, me gra të forta, që më kanë mësuar që pas çdo rrëzimi, ka një ngritje dhe që e drejta do të triumfojë. Gjithashtu duke qenë me origjinë nga Kosova, e di dhe e ndjej dhimbjen e madhe që të gjithë refugjatët janë duke kaluar tani.
Dhe në mes të kësaj krize të madhe humanitare, do i kërkoja të gjithë të rinjve/bashkëmoshatarëve në Shqipëri, në Europë, në USA, të bëhen më të mirëkuptueshëm dhe ta kenë parasysh që “Asnjë njeri nuk do zgjidhte të vdiste në ajër, po mos ta dinte sesa e rrezikshme është toka në të cilën shkel”, shkruan në postim Beatrix Ramosaj.