Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Vrasja e nxënësve në Amerikë, Dalina Buzi: Çfarë më tmerron mua nga ai vend

Politiko 26 Maj 2022, 14:44

Vrasja e nxënësve në Amerikë, Dalina Buzi: Çfarë

Sulmi me armë në një shkollë në Teksas, ku u vranë 19 fëmijë nga një 18 vjeçar është i disati që ndodh në Shtetet e Bashkuara të Amerikës.

Ky është dhe një nga problemet më të mëdha sociale në një nga vendet më të zhvilluara në botë, që duket sikur "ngel" kur bëhet fjalë për sigurinë e fëmijëve.

Gazetarja dhe skenaristja Dalina Buzi, e cila ka studiuar në Amerikë ka bërë dje një reagim lidhur me këtë situatë dhe përmes një video flet dhe për eksperiencën e saj dhe pse Amerika "e tmerron" atë.

“Sa herë që një i ri hyn në shkollë dhe qëllon me armë në SHBA, një tjetër i ri diku i mbyllur në dhomën e tij në një qytezë të qetë mban shënim. Kjo më tmerron mua në atë vend. Dhe nuk është problemi tek armët. Kanë pasur fëmijët këtu në `97-ën armë të gjithë nëpër shtëpira, por përveç plagosjeve sporadike nga pakujdesia apo gjaknxehtësia, askush nuk gatoi me javë me radhë një plan aq malinj për të ekzekutuar 10-vjeçarë! Të arrish të planifikosh një makabritet të tillë, nis me një mendje problematike, me një karakter asocial, me një kulturë ekstremisht individualiste dhe me një frymë kategorizimi që është mbytëse për të riun. Mbaj mend kur shkova andej në gjimnaz, ‘I couldn fit in’. Nëse je me sportet, duhet të vishesh e të sillesh në një Iloj mënyre, nëse je me artistët duhët të vishesh e sillesh në një lloj mënyre. Ose je me grupin e matematikës/kompjuterave, ose je me grupin e aziatikëve, ose je me ata që pijnë bar ose ose...Në atë vend ku liria individuale ngrihet në qiell, ka aq shumë skematizma dhe mendjengushtësi në gjykim karakteri, sa ata që janë të dobët dhe me familje problematike; izolohen se nuk e gjejnë veten. Edhe CANCEL CULTURE është fatkeqësi e ardhur nga ai vend. Dëshira për të kanceluar një individ nëse nuk është si "ne" ka vrarë shumë njerëz shpirtërisht. Më vjen tmerrësisht keq për drama të tilla dhe akoma më keq që debate përfundon vetëm tek armët. Aksesi te armët është qesharak dhe padyshim që duhet rregulluar me ligj, po në atë vend duhet të ridiskutohet FAMILJA. Aty është kriza më e madhe,”- shkruan Dalina në Instastory.

Vrasja e nxënësve në Amerikë, Dalina Buzi: Çfarë

Kurse në videon e gjatë sqaruese, tregon sesi shoqëria atje i kategorizon njerëzit.

“Ti nuk mund të jetosh me prindërit 21 vjeç. Si jeton ti me prindërit? Bëhet shaka tek Friends, tek çdo serial me këtë. Ti s`mund të flasësh me mamin në telefon. “Oh, my mom is calling me…”, shton Dalina që e lë temën të hapur për diskutim.

Dje në Teksas u vranë 19 fëmijë, një mësues dhe roja i shkollës. Për vrasësin Salvador Ramos u tha se ishte bullizuar gjatë viteve të shkollës se ishte i varfër.