Zef Deda ndërroi jetë, kolegët dhe miqtë me lot në sy: Ishte drita e një epoke

Aktori i njohur i humorit, Zef Deda ka ndërruar jetë këtë të premte. Ai vuante prej kohësh nga një sëmundje e rëndë.

Deda spikati ka punuar për më shumë se 40-vite në Teatrin Migjeni të Shkodrës dhe ka lënë në teatrin dhe në komedinë shqiptare, gjurmë të forta.

Për këtë humbje të madhe kanë reaguar disa nga shokët dhe kolegët e tij, të cilët i ja bashkuar e njëjta dhimbje dhe i njëjti mendim se: nuk vjen më një aktor si Zef Deda.

Cekja i Beratit shpërthen në lot: Humbje e madhe për humorin

Cekja i Beratit ka reaguar për ndarjen nga jeta të Zef Dedës

Në një prononcim për News24, Sejfulla Myftari thotë se me Zef Dedën ka shumë kujtime të bukura, ndërsa thotë se “nuk vjen më një aktor si Zef Deda”.

Mes lotësh ai kujton edhe momentet me te bukura qe kane kaluar se bashku ne skene.

“Kam kujtime të mrekullueshme, e kam pasur shumë shok dhe mik. Është humbje e madhe për humorin shqiptar. Më vjen shumë keq, nuk mundet të flas dot më!

Që në vitin ‘73 njiheshim bashkë, kemi qenë shokë!Kujtoj ato që kemi luajtur. Kur u liruam nga ushtria kemi pasur hyrje dalje, ishte aktor i mrekullueshëm.E dija që ishte i sëmurë, por jo që ishte në këtë gjendje.Një humbje e madhe për humorin shqiptar, një aktor i mrekullueshëm Nuk vjen  më Zef Deda në Shqipëri”, shprehet Cekja.

Aktori Edmond Halili mes lotësh: Nuk bën nëna më Zef Deda!

Aktori  Edmond Halili mes lotësh ka treguar se si e ka mësuar lajmin e hidhur për ndarjen nga jeta të Zef Dedws, pikërisht sapo kishte shkuar në derën e shtëpisë së tij.

Halili tha se kishte shkuar ta takonte, por nuk e gjeti dot gjallë Zefin, i cili ndërroi jetë pas një sëmundje të rëndë.

“Sot jam nisur në mëngjes te dera e shtëpisë. Sa shkova te dera e shtëpisë, doli një infermiere dhe e pyeta se si ishte dhe tha; më vjen keq, Zefi ndërroi jetë. Është një dhimbje e madhe për ne, për familjen e tij dhe për humorin shqiptar. Jam takuar me të, kemi bërë show në Pallatin e Kongreseve. Pinim kafe dhe nga një gotë raki. Me Zefin kam shumë kujtime, kemi qenë në një lagje, kemi dhënë shfaqje të mëdha. Jam me lot në sy, nuk mund të flasë më shumë (qan). Zefi ka qenë i mrekullueshëm, nuk bën nëna më Zef”, tha Balili.

Si e kujton Osman Mula komedianin e shquar shkodran: E kisha shok fëmijërie

Regjisori i njohur Osman Mula kujtoi aktorin e madh shkodran, i cili u nda nga jeta ditën e sotme. “Lajmin e mora vesh para tre minutave. Më erdhi si bombë. E ndjeva veten keq, pasi Zefin e kam pas shokun më të ngushtë që i vogël që kur kam filluar klasën e parë. Kur na shihnin në Shkodër, thoshin ku është Zefi është edhe Osmani, ku është Osmani është edhe Zefi.

Është një njeri me zemër të madhe. Shumë shpejt u pa tek ai që jetën do ta kishte në skenë. Imitonte shumë bukur që i vogël. Ishte shumë i këndshëm. Zefi ishte i sëmurë kohët e fundit. Unë isha në Shkodër para tre javëve për festivalin Luleborë dhe pyeta për Zefin dhe më thanë nuk është mirë dhe më thanë mos shko në këtë gjendje. Do ta kisha pasur shumë të vështirë. Nuk ka shkuar kurrë në Shkodër pa e parë Zefin. Zefi ka kenë një djalosh që e donte teatrin.

Zefi nuk ka kenë në estradë se ishte aktor i madh. Zefi nuk e luajti aktorin e madh në jetën e përditshme, por ishte aktor i vërtetë në skenë. Për të folur për Zefin na duhen vite. Zefi ka studiuar klarinetë, por nuk e donte këtë. Donte të kapte 70 profesione. E shihte një person me biçikletë dhe ishte i gatshëm ta analizonte me detaje. Të gjitha këta kategori të njerëzve i sillte para shoqërisë dhe shoqëria shqiptare ia pranoi”, tha ai.

Drejtoresha e Teatrit Migjeni tregon amanetin e Zef Dedës

Rita Gjeka, drejtoresha e teatrit Migjeni në Shkodër tha se Deda ishte një drita e një epoke të ndritur për teatrin Migjeni.

“Edhe pse diferenca në moshë me Zefin nuk është e madhe, e kam pasur idhull. Ai ka qenë një aktor jo vetëm i madh, por fenomeni Zef Deda. Ka lënë një epokë. Ne kemi jetuar atë epokë dhe ai ka qenë drita. Ai e donte shumë estradën dhe ndenja që ai kishte, e kishte që të ngrihej sa më shumë. Amaneti që ka lënë, do të bëhet realitet. Edhe në drejtimin e teatrit e ka marrë Kuliçi. Do të plotësohet amaneti i Zefit. Iku në një moshë krejt të re. Edhe në rini ka pasur disa probleme me këmbët. Por i kapërcente me humorin e tij. Tani e këputu sëmundja e keqe. Nuk kam shkuar ta takojë, pasi kisha qejf që ta mbaja mend Zefin ashtu siç më parë. Zefin e ka dashur gjithë populli, të gjithë e kanë vlerësuar. Edhe opozita dhe pozita, mendoj se është shpërblyer. E ka marrë dhe pensionin e veçantë, të paktën nuk ngeli fukara. Ka pasur të ardhurat e veta, edhe pse kishte dy djemtë të mrekullueshëm. Shokun Xhemal, atë e veçoj si rol.”, tha ajo.

Drande Xhaj rrëfen mes lotësh tregon takimin e fundit me Zef Dedën

Aktorja e njohur shkodrane, Drande Xhaj, partnerja në skenë e Zef Dedës, mes lotësh ka treguar takimin e fundit me aktorin.

Në një lidhje telefonike për News24, aktorja tregoi se ishte takuar me Zefin para dy netësh, ku kishte shkuar ta takonte bashkë me kolegë të tjerë.

“Para dy netësh shkuam dhe ta shihnin. Me Milotin dhe Kulçin. Kemi shkuar për të, jemi interesuar për shëndetin e Zefit. Nuk e kishte kohën Zefi që të ikte tani.