Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

KRYESORE

Portali mund bashkinë, bashkia ‘fiton’ portalin

Politiko 26 Mars 2018, 16:37
Portali mund bashkinë, bashkia ‘fiton’ portalin

Që pas zgjedhjes në krye të bashkisë së Tiranës, Erion Veliaj, është kritikuar shpesh për raportin me mediat, për shkak se i gjithë aktiviteti i kryebashkiakut mbulohet nga stafi i tij dhe më pas u shpërndahet mediave një material i gatshëm. Kjo është edhe arsyeja pse të gjitha kronikat e bashkisë, në të gjitha televizionet dhe portalet ku publikohen, dalin njësoj.

Por jo të gjitha mediat kanë pranuar këtë ‘ofertë’ të kryebashkiakut. Këtyre të fundit, mesa duket, Veliaj ka zgjedhur një mënyrë tjerët për ti pasur në krah.(në mos i transmetofshin ose publikojnë kronikat, të paktën mos ta kritikojnë). Një ndeshje në kalceto duket se është taktika e re e kryebashkiakut.

Syri.net, portal i njohur opozitar, dhe bashkia e Tiranës, janë ‘përballur’ në një ndeshje futbolli mes tyre. Entuziazmi i portalit, që ka luajtur përballë bashkisë duket i madh aq sa nuk ka nguruar të bëjë edhe një video promocionale dhe mesa duket, të shtyrë ndoshta nga emocionet, në videon e publikuar, momenti i golave është shoqëruar me kolonën zanore që Partia Socialiste përdorte gjatë fushatës elektorale.

Nuk dihet deri ku mund të shkojë entuziazmi i Syrit, shpresojmë jo aq sa të ndryshojë edhe linjën editoriale me bashkinë e Tiranës, teksa kjo e fundit si ‘humbëse’ e ndeshjes ka zgjedhur të heshtë ndoshta me shpresën se mund të ketë fituar ndonjë gjë edhe më të madhe.

 

 

 

Të fundit