Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prapaskenat e çështjes “Beketi”, arbitrazhi i kursen buxhetit të shtetit 540 milionë euro

Politiko 25 Korrik 2019, 18:57
Prapaskenat e çështjes “Beketi”, arbitrazhi i kursen

Që prej muajit maj është konfirmuar se biznesmeni italian Françesko Beketi ka fituar gjyqin në arbitrazhin ndërkombëtar me qeverinë shqiptare, e cila është e detyruar t’i paguajë 110 milionë euro plus interesa për çështjen Beketi.

Media Lexology, e specializuar në ofrimin e informacioneve me karakter juridik raporton se fillimisht Beketi pretendonte 650 milionë euro dëm-shpërblim nga qeveria shqiptare për dëmin ndaj kompanive të tjera të tij, veç Agon Channelit. Megjithatë, në fund, raportohet se palët ranë dakord që qeveria shqiptare t’i paguajë italianit 110 milionë euro.

Artikulli i plotë:

Një gjykatë e ICSID (Qendra Ndërkombëtare për Zgjidhjen e Konflikteve të Investimeve) ka urdhëruar Shqipërinë t’i paguajë 110 milionë euro një grupi investuesish italianë të përbërë nga biznesmeni italian Francesco Becchetti bashkë me kompanitë e tij Hydro dhe Costruzioni, nëna e tij Liliana Condomitti dhe ortakët Mauro de Renzis e Stefania Grigolon, për shpronësimin e një kompanie televizive, me motivimin se ka prova që kompania ishte objektiv i një fushate të motivuar politikisht.

Mësohet se investuesit pretendonin 650 milionë euro për këtë çështje në përgjigje të një serie masash që kishin në shënjestër investimet e bëra në sektorin e medias, energjisë hidrike dhe manaxhimit të mbeturinave, përfshirë ngrirjen e aseteve, auditimin dhe proceset penale.

Investuesit thanë se masat kundër tyre ishin pjesë e një fushate persekutimi të motivuar pjesërisht nga kritikat që televizoni i tyre, Agon, kishte bërë kundër qeverive shqiptare. Kryeministri aktual i Shqipërisë, Edi Rama, deklaroi më 2015 se “ne u kemi shpallur luftë” pronarëve të Agonit. Më vonë stacioni televiziv u sekuestrua nga qeveria.

Sipas Becchettit, gjykata e ICSID e gjeti unanimisht Shqipërinë përgjegjëse për shpronësim të paligjshëm të Agonit në shkelje të traktatit dypalësh italo-shqiptar për investimet dhe e urdhëroi t’u paguajë paditësve 110 milionë euro si dëm direkt, plus kostot e gjyqit dhe interesat.

ICSID është institucioni ndërkombëtar i arbitrazhit (Qendra Ndërkombëtare për Zgjidhjen e Konflikteve të Investimeve), themeluar më 1966 me synim zgjidhjen ligjërisht të konflikteve midis investuesve ndërkombëtarë. ICSID është pjesë e dhe financohet nga World Bank Group, me seli në Washington, D.C.

Të fundit