Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prapaskenat e tërheqjes së Ramës: Nga 'presioni' i Lu te informacionet e Shërbimit Sekret për 'planin perfekt' të opozitës'

Politiko 5 Maj 2017, 18:59
Prapaskenat e tërheqjes së Ramës: Nga 'presioni' i Lu

Vendimi i Kryeministrit Rama për tërheqjen e kandidatit socialist nga votimet e Kavajës ka qenë një luhatje që në momentet e fundit është kthyer në 'lëshim gjunjësh'.

Burime të politiko.al flasin për presion që vinte nga Rruga e Elbasanit. Ambasada amerikane ishte e shqetësuar për përshkallëzimin e mundshëm të së dielës në Kavajë, dhe Ambasadori Lu, siç e keni parë në kronikat televizive ka qenë i palodhur në itinerarin Ambasadë-Kryeministri për të bindur Ramën për tërheqjen.

Por, nuk ka qenë vetëm Lu instrumenti që i ka ndërruar mendjen një Rame që dukej arrogant dhe i gatshëm për të shkuar në një përballje së cilës nuk i diheshin pasojat. Informacionet nga Shërbimi Sekret bënin fjalë për atë që konsiderohej si 'plani perfekt' i opozitës. Puna në terren e shërbimeve inteligjente diktonte një prani të mbështetësve të opozitës diku në kufijtë e 20 deri në 25 mijë vetë. Për një qytet të vogël si Kavaja kjo do të ishte thuajse 'e papërballueshme'.

Për t'iu përgjigjur kësaj pranie të fortë opozitare ditën e zgjedhjeve, Rama ka vendosur të dërgojë 1 mijë forca policie në qytet. Burime konfidenciale policore bëjnë me dije se 2500 të tjerë do të 'strehoheshin' në Durrës te Konvaleshenca për 'çdo eventualitet'.

Politiko.al ka kontaktuar me burime në PD për të marrë informacione mbi atë që shërbimet e konsideronin 'planin perfekt' të opozitës për të dielën e votimeve.

Burimet, as nuk e kundështojnë dhe as e konfirmojnë praninë e 25 mijë mbështetësve, por flasin për 'prani spektakolare'. Burimet hedhin poshtë informacionet, sipas tyre të rrejshme, për djegie apo dhunë në Kavajë.

"Nuk ka patur kurrfarë plani për kurrfarë dhune", theksojnë burimet. Ka patur një plan për bllokim të zgjedhjeve, por nuk jepen detaje të mekanizmit të këtij bllokimi.

"Ne kemi planin tonë të mirëmenduar i cili do të jetë i aplikueshëm edhe më 18 qershor, nëse qeveria vendos të shkojë në votime si në vitin 1946", përfundojnë burimet e Politiko.al.

©Politiko.al

 

Të fundit