Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Premtimet’ pas shembjes së TK, Fuga i përgjigjet Ramës e Bashës: Godina e re, monumenti i memorjes kolektive për krimin kulturor

Politiko 18 Maj 2020, 09:11

‘Premtimet’ pas shembjes së TK, Fuga i përgjigjet

Akademiku Artan Fuga nuk i ka pranuar aspak “premtimet” e kryeministrit Edi Rama, por edhe të kreut të opozitës Lulzim Basha pas shembjes së Teatrit Kombëtar.

Sot, Rama pasi publikoi projekt-idenë e godinës së re shprehej i sigurt se do të pëlqehet nga të gjithë, ndërsa kreu i PD, Basha deklaronte dje për mediat se kur të vijë në pushtet do t'a rindërtojë Teatrin siç ka qenë.

Sipas Fugës, krimi i shkatërrimit të trashëgimisë kulturore është i pashkrueshëm dhe se ndërtesa e re do të jetë pikërisht monumenti i memories kolektive për atë krim kulturor që u bë aty!

“Surrealizmi arkitekturor i politikës !

Zoti Rama thotë se do të ngrejë ndërtesën e re të Teatrit që do t'a pëlqejnë të gjithë!!!

Por problemi nuk ishte fare ky. Krimi i shkatërrimit të trashëgimisë kulturore të kombit u bë dje në mes të ditës, në sytë e gjithë planetit. A është i sigurt se këtë tragjedi e kanë pëlqyer të gjithë?

Eshtë njësoj sikur ata që prishën monumentin gjigant mijevjeçar të Budës, të thonin :

C'farë keni ju në vend të tij do t'u bëjnë një hologramë me teknologji të lartë!!!

Ose kur u dogj një pjesë e Katedrales të Parisit autoritetet të thoshin :

Ta shkatërrojmë këtë vjetërsirë mesjetare obskurantiste dhe në vend të saj do të keni një Katedrale High Tech!!!

Cfarë çvendosjeje e çështjes që na merr për budallenj! Krimi i shkatërrimit të trashëgimisë kulturore është i pashkrueshëm!

Në shekuj nuk do të shlyhet nga ndërgjegje e kombit!

Ndërtesa e re do të jetë pikërisht monumenti i memorjes kolektive për atë krim kulturor që u bë aty! Ate funksion do të ketë!

Atë nuk na e ngushëllon dot tani pas prishjes as zoti Basha kur na thotë se kur të jetë Kryeministër do t'a rindërtojë Teatrin siç ka qenë! Mobilizimi qytetar mbarëkombëtar duhej bërë para dhe jo pas prishjes!

Tani e ka marrë ferra uratën!

Interesante ideja për ta ribërë sikurse ishte Teatrin!

Por njëkohësisht bashkë me premtimin solemn zoti Basha duhet të na thotë që çfarë do të bëjë me ndërtesën ndofta gjigande me beton, xham, mermer që pa shije dhe e njollosur me krim do të jetë ngritur atje!!!

Mos t'i lejë gjërat në ajër, përgjysmë!

Do t'i vejë dinamitin?

Sepse sipas filozofisë dy objekte nuk mund të qendrojnë njëkohësisht në të njejtën hapësirë.

Kjo mund të ndodhi vetëm në ëndërra, por në realitet jo!

Apo do t'i kemi cip mbi cip dy teatrot, njeri mbi tjetrin, si thagmë e skizofrenisë politike shqiptare, një vepër madhore arti e jetës sonë?

Apo ndërtesat do të jenë të ndërfutura njera brenda tjetrës!!! Si kukullat matrioshka ruse!

Një teatër për popullin demokrat dhe patriot dhe një teatër për socialistët dhe G99!!!

Se me thënë të drejtën, socialistë apo demokratë, kemi edhe një farë të drejte që politikat të na trajtojnë si qenie me arsye jo si kalamaj që mund t'u thuash çfarë të duash!

Minimalen po kêrkojmë! Sa për një copë bukë!”, shkruan Fuga.