Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Presidentët e shtetit shqiptar, 1991 - 2017

Politiko 24 Korrik 2017, 10:53

Gjithçka është gati për orën 18.00. Ilir Meta do të marrë zyrtarisht postin e Presidentit të Republikës, pas betimit që do të bëjë në Parlament, në seancën e jashtëzakonshme të thirrur në orën 18:00. Ceremonia do të vijojë në Presidencë. Le t’i hedhim një vështrim të shkurtër historikut të të Presidencës shqiptare, 1991-2017.

1991: Ramiz Alia

Pas zgjedhjeve të para pluraliste, me Dispozitat Kryesore Kushtetuese u vendos posti i presidentit të republikës. Presidenti zgjidhej midis të paktën dy kandidatëve. Më këto zgjedhje Partia e Punës mori shumicë me 2/3 e votave, ndërsa opozita u përfaqësua për herë të parë në Kuvendin Popullor.

Më 30 prill 1991, për postin e presidentit, kandiduan Ramiz Alia (propozuar nga Xhelil Gjoni) dhe Namik Dokle (propozuar nga Ahmet Kamberi), ndërsa opozita

nuk paraqiti kandidaturë. Ndonëse Doklen e propozuan 31 deputetë, për të votuan vetëm 2 vetë. Ramiz Alinë mori 172 vota të nga 250 që kishte gjithsej

Kuvendi Popullor në atë kohë.

1992: Sali Berisha

Më 22 mars 1992 Partia Demokratike fi toi zgjedhjet. Me hapjen e sesionit të ri kuvendor, me propozim Azem Hajdarit u ndryshuan disa nene të Dispozitave Kryesore Kushtetuese.

Më 9 prill 1992, zgjodhën Sali Berishën president të Republikës. Gjatë fjalës së tij para deputetëve, presidenti i ri ndër të tjera tha se detyra e re ishte “sa me përgjegjësi aq dhe dinjitoze”.

Më 3 mars 1997 Sali Berisha u rizgjodh për një mandat të dytë president. Pas humbjes së zgjedhjeve të 29 qershorit 1997, ai dha dorëheqjen më 24 korrik 1997. Nga kjo datë, çdo 5 vjet, bëhet marrja e detyrës së presidentëve të Shqipërisë.

1997: Rexhep Mejdani

Pasi Sali Berisha dha dorëheqjen, Kuvendi Popullor zgjodhi më 24 korrik 1997. Rexhep Mejdanin president të Republikës që ishte deri atë çast sekretar i përgjithshëm i PS. Komisioni i votimit shpalli se kishin marrë pjesë në votim 122 deputetë, 7 vota ishin të pavlefshme, 2 vota ishin abstenuese dhe vetëm vota 3 kundra. Opozita nuk mori pjesë në votim.

2002: Alfred Moisiu

Për herë të parë u diskutua në politikën shqiptare zgjedhja e një presidenti konsesual. Kjo vinte për shkak të zgjedhjeve problematike të 24 qershorit 2001. Alfred Moisiu u zgjodh president dhe më 24 korrik 2002, presidenti i ri u betua para deputetëve. Ai tha se ndihej i respektuar dhe se “me zërin e brendshëm të burrave të shtetit tonë”, betohej se do të ishte “pasues i tyre” dhe do të donte mbi çdo gjë dhe kurdoherë atdheun. Moisiu u zotua se do të nxiste çdo nismë që çonte në zbatimin e mirë të Kushtetutës, në respektimin maksimal të votës së lirë, forcimin e shtetit të së drejtës, thellimin e reformave,etj, duke përsëritur se mbi Shqipërinë nuk vinte asgjë. Për herë të parë në historinë e Shqipërisë u organizua ceremonia e dorëzimit të posteve nga një president te tjetri.

2007: Bamir Topi

Në kushtet kur u paraqitën kandidatë nga të dy palët, kandidati demokrat Topi u

tërhoq nga gara. Mirëpo si PD dhe PS rrëzuan kandidaturat që i paraqitën njëra – tjetrës. Në fi llim palët ranë dakord për të paraqitur president konsensual Arian Zaimin. Por kur pritej votimi i tij, përkrahësit e Fatos Nanos paraqitën propozimin për kandidimin e tij për president. Në këto kushte demokratët nënshkruan menjëherë për Bamir Topin. Opozita e majtë shpalli bojkotimin. U zhvilluan dy votime të para pa pasur numrin 84 të deputetëve. Bamir Topi mori 75 vota, ndërsa rivali i tij Nano vetëm votat e PBDNJ-së. Në raundin e tretë, u fut në garë Neritan Ceka, i cili mori edhe propozimet e disa deputetëve të PR-së, PDK-së dhe PAD-së. Ceka arriti të marrë 35 vota duke rrudhur votat e Topit deri në 50. Në raundin e katërt më 20 korrik 2007, Bamir Topi arriti të marrë 85 vota, ndërsa Ceka 5 vota.

2007: Bujar Nishani

Më 11 qershor 2017, Kuvendi i Shqipërisë zgjodhi me 73 vota pro, z.Bujan Nishani në postin e presidentit të republikës. Më parë patën dhënë dorëheqjen kandidatët Xhezair Zaganjori dhe Artan Hoxha. Zgjedhja u bë sipas dispozitave të reja të vendosura në ndryshimet kushtetuese të vitit 2008.

2017: Ilir Meta

Më 28 prill 2017 Kuvendi i Shqipërisë zgjodhi në postin e presidentit të republikës, Ilir Metën. Zgjedhja u bë para afatit kushtetues për shkak të zhvillimit të zgjedhjeve legjislative. Z.Meta është presidenti i 10 i shtetit shqiptar dhe njëkohësisht kryetari i 11 i shtetit shqiptar. Ai është i pari rast në historinë e Shqipërisë që ka ushtruar funksionet e kryeministrit, kryetarit të Kuvendit dhe tashmë të presidentit.