Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Presidenti i Serbisë Vuçiç do të takohet me mikun e shqiptarëve, kongresmenin Eljot Engel në Beograd

Politiko 1 Korrik 2019, 19:31

Presidenti i Serbisë Vuçiç do të takohet me mikun e

Një prej lobistëve shqiptarë më aktivë dhe “më të fortë“ në Uashington Eljot Engel, vjen të mërkurën në Beograd, bëhet me dije nga agjensia “Tanjug“. Agjencia në fjalë nënvizon se ai do të takohet me Presidentin Aleksandër Vuçiç.

Vuçiçi dhe Engeli janë takuar edhe më parë, në muajin shkurt të këtij viti, gjatë Konferencës së 55-të Mynihut për sigurinë, kur Presidenti serb u takua me delegacionin e Kongresit amerikan, në të cilin, sikurse patën informuar mediat, ishte edhe Engelli, si Kryetar i Komisionit për punë të jashtme të Dhomës së Përfaqësuesve të SHBA-ve.

Në fokus të këtij takimi atëbotë ishte „rasti i vëllezërve Bytyçi“.

Kosova dhe Metohija, dhe me këtë edhe Serbia, janë temë me të cilën Engelli është angazhuar që prej disa dhjetëvjeçarësh. Për këtë ai është mburrur se „puna e tij për promovimin e marrëdhënieve amerikano-koosvare ka qenë ndër arritjet më të mira të të gjithë viteve të tij si kongresmen“ që nga viti 1989, qëkur ai është anëtar i Kongresit, dhe lista e „arritjeve“, nga pikëpamja e vetë Engellit, është e gjatë,- që nga miratimi për bombardimin e Republikës Socialiste të Jugosllavisë, deri te formimi i ushtrisë së Kosovës, tërheqja e akuzës për Ramush Haradinajn, nëpërmjet vlerësimit se Serbia duhet përjashtuar nga Partneriteti për Paqe, e deri të vlerësimi se Serbia nuk është e gatshme për antarsim në BE.

Është pikërisht ky vlerësim për Serbinë dhe BE-në, të cilin ai ia pati dërguar, para dy vitesh, shefes së diplomacisë europiane Federika Mogerini, gjë që e detyroi Vuçiçin të reagojë gjatë vizitës së tij në Uashington.

“Secili ka të drejtë të thotë atë që dëshiron. A na duan ne në Europë? Unë kam menduar se për këtë pyetet BE-ja“, pati thënë atëbotë Buçiçi, duke nënvizuar se Engelli është lobisti më i shquar shqiptar.

Vuçiçi atëherë shtoi se amerikanët kanë të drejtë të dëshirojnë që Serbia të jetë e keqe apo e mirë, por gjithsesi është puna e Serbisë për të mbrojtur interesat e saj, dhe se Serbia dëshiron marrëdhëniet më të mira të mundshme me SHBA-të, që t’i ndërtojë ato në mënyrë serioze dhe të përgjegjshme, në të cilat shihet qartë se ata janë fuqi e madhe dhe ne një shtet i vogël numerikisht dhe territorialisht.

Elioti në Kongresin amerikan me 30 prill, duke hapur seancën dëgjimore mbi të ashtuquajturën përdhunim të shqiptareve, tha se ruan akoma fotografitë e shtëpive të djegura në Pejë dhe se çdo ditë mendon se sa shumë duhet bërë akoma për çështjen e Kosovës.

Për diskriminimin e egër etnik ai akuzoi ish Presidentin Sllobodan Milloeshviç, të cilin e quajti “kasapi i Ballkanit“. Përdhunimi i grave të Kosovë, tha ai, ka qenë instrument me synim dëbimin e shqiptarëve nga Kosova mbi parimin etnik.

Për vite të tëra ka punuar për formimin e ushtrisë së Kosovës, dhe ka kërkuar të ndryshojë qëndrimi i kundërt i Uashingtonit për këtë çështje.

Kosova duhet të ketë ushtrinë e saj, sepse Rusia po armatos Beogradin, tha Eljoti, me prejardhje hebreje nga Ukraina, të parët e të cilit kanë pas emigruar në SHBA që në kohën e Rusisë Cariste, dhe se, për shkak të bashkëpunimit me Rusinë, Serbia duhet përjashtuar nga Partneriteti për Paqe.

Gjatë shpalosjes së qëndrimeve të tij agresive në favor të Prishtinës nuk humbi rastin të bëjë kritika ndaj Beogradit sepse ai ka luftuar që 13 vende të botës të rishikojnë mbështetjen e tyre për Kosovën e pavarur.

Kërkoi që Serbia të heqë dorë nga kjo politikë, sepse, sikurse pohoi, pavarësia e Kosovës është e pakthyeshme.

Ka reaguar edhe në rastin e arrestimit të Haradinajt në Slloveni në vitin 2015 dhe ka kërkuar që Serbia të tërheqë akuzën.

Eljoti, ish mësues, ishte politikani i parë i huaj që foli në Parlamentin e Kosovës pas shpalljes së pavarësisë së saj.

Në kabinetin e tij shpjegojnë se motivimi i Engellit për të përfaqësuar interesat e shqiptarëve ka lindur për shkak „demografisë së distriktit“ që ai përfaqëson në Kongres, dhe vlerësimi është se bëhet fjalë për 30.000 zgjedhës me prejardhje shqiptare.

Për meritat e tij, ndër të cilat janë edhe miratimi i bombardimit, pavarësia dhe investimet (Prishtina nëpërmjet Agjencisë së Kongresit ka marrë një ndihmë prej 49 milionë dollarësh) në Kosovë është emetuar një pullë postare me vlerë dy euro me portretin e tij, dhe një prej bulevardeve më të mëdha në Prishtinë ka marrë emrin e tij.

Për gjithë këto qëndrime të tij, do të jetë interesante të shihet se me çfarë mesazhi dhe synimi vjen Engelli të mërkurën në Beograd.