Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Presidenti Putin propozoi ndryshimin e kufijve Kosovë - Serbi”, Ambasada ruse në Tiranë reagon ndaj portalit shqiptar

Politiko 7 Gusht 2018, 21:04

“Presidenti Putin propozoi ndryshimin e kufijve Kosovë -

Ambasada e Rusisë në Shqipëri ka reaguar ndaj gazetës ‘Express’, e cila më 27 korrik raportoi se referuar burimeve të sajë, gjatë samitit Rusi-SHBA të mbajtur në Helsinki më 16 korrik, presidenti i SHBA-ve mbështeti propozimet, sipas të cilave Beogradi do të njohë pavarësinë e Kosovës, nëse territoret veriore ku jetojnë serbë etnikë do t’i bashkohen Serbisë.

Zëri diplomatik i Moskës e mohon këtë lajm duke e quajtur dezinformin dhe një spekulim të hapur të kësaj mediaje.

“Me shumë përgjegjësi pohojmë se ky është një dezinformim absolut, ashtu si edhe spekulimet e tjera të shfaqura ditët e fundit në shtyp rreth disa “marrëveshjeve të veçanta” të arritura në Helsinki”.

Deklarata e ambasadës mbyllet me një apel ndaj mediave që të jenë sa më korrekte pasi qëndrime të tilla nxisin urrejtje në rajonin e Ballkanit.

Reagimi i plotë:

Ngaqë në mediat shqiptare vazhdojnë ende të shfaqen spekulime të ndryshme rreth kësaj teme, dëshirojmë të sjellim në vëmendjen tuaj reagimin e Ministrisë së Jashtme të Rusisë, publikuar më 27 korrik:

“U kushtuam vëmëndje materialeve të zgjeruara të shfaqura në median ruse bazuar në shkrimin e medias kosovare “Gazeta Express”, në të cilin, referuar “burimeve diplomatike”, pohohet se gjatë samitit Rusi-SHBA të mbajtur në Helsinki më 16 korrik, presidenti i SHBA-ve mbështeti propozimet gjoja të diskutuara, sipas të cilave Beogradi do të njohë pavarësinë e Kosovës, nëse territoret veriore ku jetojnë serbë etnikë do t’i bashkohen Serbisë.

Me shumë përgjegjësi pohojmë se ky është një dezinformim absolut, ashtu si edhe spekulimet e tjera të shfaqura ditët e fundit në shtyp rreth disa “marrëveshjeve të veçanta” të arritura në Helsinki.

Të gjitha çështjet në lidhje me statusin përfundimtar të Kosovës duhet të zgjidhen në bazë të Rezolutës 1244 të Këshillit të Sigurimit të OKB-së. Në këtë kontekst, Beogradi dhe Prishtina ranë dakord për një dialog të drejtpërdrejtë me ndërmjetësimin e Bashkimit Evropian. Rusia mbështet në vazhdimësi procesin e negociatave, këmbëngul në realizimin e të gjitha marrëveshjeve të arritura në kuadrin e tyre dhe kurrë nuk do të përpiqet të diskutojë këtë çështje pas shpinës së palëve.

I bëjmë thirrje komunitetit mediatik të përmbahet nga spekulimet flagrante për ekzistencën e marrëveshjeve të fshehta të arritura midis Moskës dhe Uashingtonit. Nuk duhet luajtur me një tendencë tepër të rrezikshme të tronditjes së marrëdhënieve ruso-amerikane, nga gjendja e të cilave, në një masë të madhe, varet siguria ndërkombëtare, ashtu si edhe nuk duhen nxitur tensione në një rajon kaq të ndërlikuar siç është Ballkani”.