Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Presidentja e DIHA, Sieg: Në BE, Shqipëria do të përfitojë më shumë investime të huaja

Politiko 1 Qershor 2019, 22:13

Presidentja e DIHA, Sieg: Në BE, Shqipëria do të

Krizës politike në Shqipëri nuk po i duket fundi. Deri tani nuk ka asnjë shenjë që palët mund të ulen në tryezën e bisedimeve për të gjetur një zgjidhje. Opozita ka paralajmëruar të zhvillojë më 2 qershor protestën e 7-të kombëtare antiqeveritare Ndërsa qeveria nën kryeministrin Edi Rama dhe partia e tij PS hapin më 1 qershor fushatën elektorale për zgjedhjet lokale të 30 qershorit, të cilat opozita jashtë parlamentare, e kryesuar nga Partia Demokratike, (PD) do t'i bojkotojë.

Mungesa e dialogut dhe kompromisit brenda sistemit politik demokratik po dëmton ekonominë e vendit dhe po i bën investitorët e huaj të distancohen nga idetë e tyre për të investuar në Shqipëri, në një kohë kur investimet e huaja mbeten karburanti kryesor për të zhvilluar ekonominë e vendit.

Presidente e DIHA-s , ( Deutsche Industrie und Handelsvereinigung in Albanien- Shoqata Gjermane e Industrisë dhe Tregëtisë në Shqipëri), Stephanie Sieg, thotë për DW se situatat politike kanë përherë ndikim ndaj investimeve të huaja, por edhe atyre vendase.

"Ne, si DIHA, mund të shohim mes anëtarëve të shoqatës shqetësimin e tyre për vazhdimin e situatave të tilla, që i mban ata larg nga përqendrimi në çështje të domosdoshme si emigrimi i punonjësve me kualifikim të lartë, përmirësimi i arsimit dhe politikave për të tërhequr investime të huaja. Pavarësisht situatës politike, atraksioni i Shqipërisë duhet të jetë më i dukshëm, më i pranishëm dhe të ketë më shumë publicitet në tregun global, thotë për DW, Presidentja e DIHA.

Por treguesit e ndikimit negativ tanimë janë shfaqur. Për investitorët vendas ato janë më të dukshme në sektorin e turizmit. Sipas statistikave zyrtare vitin e kaluar Shqipërinë e vizituan 6,5 milion turistë të huaj, shifër rekord, që këtë vit nuk ka gjasa të arrihet.

Por nuk mungojnë faktorë të tjerë me rëndësi që kanë rol në investimet e huaja. Presidentja e DIHA-s, Stefanie Sieg, thotë se investitorët që janë tani të pranishëm në Shqipëri i njohin situatat dhe problemet në kohë zgjedhjesh. Ndryshon puna me ato që duan të vijnë.„Kompanitë që janë të interesuara të investojnë në Shqipëri, natyrisht që dëgjojnë ҫfarë thonë mediat dhe e vlerësojnë vetë riskun potencial për biznesin e tyre dhe investuar në një vend tjetër. Faktorët nuk janë vetëm momentet politike por edhe të tjerë, gjithë paketa, gjithë kuadri si p.sh. reforma në drejtësi, siguria, taksat, forca e punës etj. që janë të rëndësishme për kompanitë që të investojnë në një vend tjetër”.

Presidentja e DIHA-s, Stephanie Sieg, thotë se biznesi i huaj, që operon në Shqipëri, mendon se ҫmimet e lëndëve të para si energjia dhe uji janë të arsyeshme. “Natyrisht përmirësimi, sidomos i tregut të energjisë me energji diellore, të erës dhe ujit do të kenë ndikim pozitiv mbi ҫmimet. Vetë investitorët e huaj po investojnë në infrastrukturë. Ne besojmë që duke hyrë në BE, Shqipëria do të marrë një nxitje drejt drejtimit të duhur dhe do të shohim më shumë investime të huaja në Shqipëri" thekson për DW Sieg.