Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Presioni i Athinës, Rama dërgon dy ministra në Vlorë, për marrëveshje me Himarën

Politiko 29 Shtator 2017, 20:21

Presioni i Athinës, Rama dërgon dy ministra në Vlorë,

Presionet e njëpasnjëshme të Athinës zyrtare për çështjen e Himarës, duke e kërcënuar vazhidimsht qeveirnë shqiptare për integrimin e saj në Evropë, ka bërë që Rama të reagojë dhe të dërgojë sot në Vlorë dy ministra për të gjetur “akordin” për nëj marrëveshje me banorët e Himarës.

Negociatat për Himarën janë zhvilluar sot në qytetin e Vlorës, mes përfaqësuesve të qeverisë, Bashkisë së Himarës dhe banorëve të qytezës së vogël bregdetare që kundërshtojnë projektet për rregullimin e infrastrukturës.

Kështu, të pranishëm në negociata ishin ministri i Energjitikës, Damian Gjiknurië ministrja e Kulturës, Mirela Kumbaroë kryetari i OMONIA-s, Vasil Bollanoë ish-kandidati Fredi Bejlerië kryebashkiaku Goro dhe një grup banorësh të Himarës.

Për rreth një orë është diskutuar dhe në fund është lënë një takim i dytë për të premten që vjen. Pas seancës, që u mbajt me dyer të mbyllura, ministri Gjinknuri tha se po gjendet gjuha e përbashkët.

“Javën tjetër do bëjmë një takim të fundit ku do sqarojmë të gjithë personat se si do të zbatohet projekti, në bazë të ligjit në fuqi dhe nëse ka njeri që preket nga ky projekt por nuk është përfshirë do të përfshihet”, deklaroi Gjiknuri.

Mësohet se është arritur një marrëveshje për kompensimin e drejtë të pronave që preket nga projekti urbanistik i Himarës. Në takim është diskutuar për të zgjidhur edhe problemet e mbartura të pronave në Himarë.

“Ne do të hapim një degë të posaçme të zyrës së Hipotekës së Vlorës në Himarë, që qytetarët të mos sorollaten rrugëve”, nënvizoi Gjiknuri.

Kryebashkiaku i Himarës tha se gjithçka po ndodh nga ndërhyrjet politike. “Kishte shkëmbime mendimesh. Do bëhet edhe një takim përfundimtar me banorët që kanë pretendimet e tyre dhe do vazhdojë projekti siç është miratuar”, tha Goro.

Ish-rivali i Goros, Fredi Bejleri njoftoi takimin e radhës pas një jave. “Dialogu vazhdon. Të premten tjetër do ketë një takim me banorët e Himarës që preken nga projekti. Kemi kërkuar që para se të vijojë projekti, me procedurën që ka ligji të dëmshpërblehen pronarët e tokave”, tha Bejleri.

Bisedimet për të gjetur një zgjidhje erdhën menjëherë pas bisedimeve kokë më kokë mes ministrave të Jashtëm të Shqipërisë dhe Greqisë.

Në takimin e zhvilluar disa ditë më parë mes Koxias dhe Bushatit duket se është gjetur gjuha e përbashkët për të zgjidhur çështjet pezull mes dy vendeve.

Një nga shqetësimet e ngritura nga qeveria greke ishte edhe çështja e pronave të banorëve të Himarës, për të cilën Koxias tha dy ditë më parë në televizionin publik grek se duhet kompensim.