Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Prespektiva evropiane e Shqipërisë"; publikohet sondazhi: 46% e shqiptarëve besojnë se nuk e meritojmë integrimin në BE

Politiko 16 Korrik 2020, 16:42

“46% e qytetarëve shqiptarë besojnë se Shqipëria nuk është gati për anëtarësimin e saj në BE.”

Këto janë gjetjet e arritura nga një studim i Institutit Shqiptar i Studimeve Ndërkombëtare, në të cilin po ashtu u konfirmua se 16% e qytetarëve të vendit nuk kishin fare njohuri se vendimi për hapjen e negociatave me BE ishte i kushtëzuar.

Në sondazhin kombëtar me tematikë "Perspektiva Europiane e Shqipërisë: Perceptime dhe Realitete 2020", i realizuar me mbështetjen e Hanns-Seidel Stiftung, po ashtu u vu re se publiku shqiptar është në favor të integrimit në BE. Nga gjetjet e sondazhit u konfirmua se “në rast të një referendumi, 86% e të anketuarve do të votonin pro”.

Deklaratë për shtyp

Menjëherë pas vendimit të Këshillit të Bashkimit Europian për hapjen e negociatave me Shqipërinë dhe Maqedoninë e Veriut në fund të marsit 2020, pas një periudhe kontroversiale kur besueshmëria e institucioneve të BE ishte në rrezik në rajon, Instituti Shqiptar i Studimeve Ndërkombëtare (IShSN), me mbështetjen e Fondacionit Hanns Seidel, kreu një sondazh në nivel kombëtar mbi perceptimin dhe mbështetjen e qytetarëve shqiptarë në lidhje me perspektivën e integrimit në BE si dhe çështjet aktuale që lidhen me të.

Gjetjet e sondazhit konfirmojnë atë që ekspertët kanë sugjeruar paraprakisht: që nevojitet më shumë shpjegim dhe informim mbi kushtet e anëtarësimit. Rezultatet e sondazhit u prezantuan për median më korrik 2020 nga drejtoresha ekzekutive e Institutit Shqiptar të Studimeve Ndërkombëtare, Znj. Alba Çela e cila theksoi nevojën e mbajtjes së diskursit mbi integrimin si pjesë e debatit publik. Gjetjet e sondazhit dëftojnë që vetëm 32% e të të anketuarve kishin njohuri mbi kushtet, ndërkohë që 16% nuk e dinin që vendimi i hapjes së negociatave ishte i kushtëzuar.

Publiku shqiptar ka qenë gjithmonë në favor të integrimit europian në mënyrë konstante, duke e konsideruar integrimin si pjesë të rrugëtimit zhvillimor politik dhe ekonomik, por më e rëndësishmja dhe sensin simbolik, si kapitullin përmbyllës të tranzicionit të vështirë pas-komunist. Këtë e konfirmon dhe sondazhi i këtij viti, ku 86% e të të anketuarve janë shprehur se në rastin e një referendumi për anëtarësimin e Shqipërisë në BE, ata do të votonin "pro".

Megjithë nivelin e lartë të mbështetjes, një numër i lartë qytetarësh (46% syresh) besojnë se Shqipëria nuk është gati për t'u bërë një vend anëtar dhe gjysma e të anketuarve besojnë se BE nuk duhet ta japë dritën e gjelbërt për Shqipërinë derisa vendi të jetë gati.

Një tjetër faktor kyç që përsëritet shpesh në sondazhe të ngjashme të kryera nga IShSN lidhet me pritshmëritë e qytetarëve për kohën e anëtarësimit: paradoksalisht, një grup i madh qytetarësh presin një anëtarësim të shpejtë të Shqipërisë në BE, me 45% të të anketuarve që përgjigjen se presin që Shqipëria të anëtarësohet brenda pesë vitesh.