Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pretendimet e Greqisë për detin, Paskal Milo: Deklarata e Mitsotakis, e rastësishme apo përfundim i ndonjë pakti të fshehtë që ne se dimë?

Politiko 31 Gusht 2020, 22:29

Pretendimet e Greqisë për detin, Paskal Milo: Deklarata e Mitsotakis,

Ish-ministri i Jashtëm dhe historiani, Paskal Milo, ka komentuar çështjen e kufirit detar me Greqinë, e cila ka çuar një stad më tej krizën politike në Shqipëri. I ftuar në rubrikën “Opinion” në Neës 24, Milo ka vlerësuar pozitivisht kërkesën e Presidentit Meta ndaj kryeministrit Rama për transparencë nga ana e qeverisë referuar asaj që po ndodh me negociatat mes dy qeverive.

“Më duket legjitime, kushtetuese, është në të drejtën e Kryetarit të Shtetit që të kërkojë informacion për një çështje kaq delikate, siç është marrëveshja për kufirin detar. Aq më tepër kur Presidenti i Republikës ka dhënë edhe autorizimin për fillimin e negociatave për grupin negociator të Greqisë. Pra, ai është i përfshirë në proces. Është në të drejtën e tij të kërkojë nëse ka zhvillime, pasi procesi ka mbetur stojk, për shkak të qeverisë së re në Greqi. Nuk është pak gjë mendoj edhe fakti që është marrë vesh që ka një përpjekje që ministri i Jashtëm grek të vijë në Tiranë për vizitë. Duhet informacion dhe transparencë më e madhe”, tha Milo.

Referuar deklaratave të kryeministrit grek për zgjerimin e territorit grek në 12 milje, historiani ngreh pyetjen: “A ishte kjo një deklaratë e cila u bë në mënyrë të rastësishme apo ishte përfundim i një negocimi që shqiptarët nuk e dinë?”

“Deklarata u bë në një kontekst më të gjerë. Ajo që tha kryeministri grek nuk është se është ndonjë sakrilegj, sepse të drejtën e Greqisë për të kërkuar 12 milje kufirin detar është një e drejtë që rrjedh nga Konventa ndërkombëtare, siç e ka edhe Shqipëria apo çdo vend tjetër bregdetar. Pra, jemi brenda parimit dhe këtu nuk ka asgjë të keqe të kërkosh shtrirje deri në 12 milje. Problemi është përtej kësaj deklarate, nëse ishte e rastësishme apo përfundim i një negocimi që shqiptarët nuk e dinë. Kryeministri shqiptar e deklaroi hapur që nuk ka marrëveshje apo negociata tani për tani. Unë dua ta besoj se nuk ka, se ky proces nuk mund të jetë i fshehtë.

Mesa jam në dijeni grupi negociator ka mbaruar punë dhe pala negociatore shqiptare ka projektuar, ka një projekt marrëveshjeje, që e ka depozituar, që është nënshkruar nga të gjithë anëtarët e grupit negociator shqiptar, me përjashtim të njërit. Për rrjedhojë, unë sot kam parë një shkrim të një anëtari të grupit negociator, që ka deklaruar se pretendimi i Greqisë për të shtrirë ujërat territoriale të saj në 12 milje nuk prek kufirin shqiptar. Tani jemi në dilemën sa informacion i saktë është ky që qarkullon”, u shpreh Milo.