Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pretendimi i Greqisë për 12 milje në Jon, Lubonja: S'ka transparencë! Në ka njeri që na i ka shitur sapunin për djathë, ai është Rama

Politiko 31 Gusht 2020, 18:53

Pretendimi i Greqisë për 12 milje në Jon, Lubonja: S'ka

Analisti Fatos Lubonja ka komentuar çështjen e detit me Greqinë, një problematikë shumë diskutuar gjatë ditëve të fundit e cila ka ngjallur tepër reagime. Në një intervistë për rubrikën “Opinion” në News 24, Lubonja është shprehur se “Edi Rama është i vetmi person i cili u ka shitur sapunin për djath shqiptarëve.”

Lubonja dyshon për një marrëveshje të mundshme mes Ramës dhe Greqisë për detin. Sipas analistit, një përshtypje të tillë ta lë mungesa e transparencës mbi këtë çështje dhe mosreagimi i qeverisë pavarësisht sinjaleve të shumta për të cënimit territorial.

“Ka shumë gjëra të paqarta. Por ka një gjë të qartë, s’ka transparencë. E dimë që kur Rama akuzon dhe flet aq shumë, se dominoi fraza që po të ishe shitës djathi, do na shisje sapun i tha Bashës.

S’ka transparencë, vetëm sulme. Nëse ka njeri që na i ka shitur sapunin për djathë është Edi Rama. Të gjitha premtimet i kanë dalë për sapun. Duhet parë me dyshim. Duke mos pasur informacion të plotë, s’duhet pasur si raport Shqipëri- Greqi, por dhe në kontekst më të gjerë Italia, Turqia. Ka një aksion politik grek për raportin që ka me Turqinë. Ka një mbështetjen na Italia. Dyshimi, është që Rama këtu ka premtuar, sepse edhe këtë s’e dinim, se thonë që s’ka negociata, por diçka ka lëvizur. Greqia falenderon Shqipërinë që nuk e ka kundërshtuar. Por s’dimë çfarë duhet kundërshtuar dhe çfarë duhet pranuar.

Në mediat greke kanë dalë dhe harta, pse Shqipëria nuk e ka kundërshtuar këtë. Kjo lidhet me ishujt që ka afër Greqia me Turqinë, si me Shqipërinë, që i merr si pikë referimi këtu ishujt afër Korfuzit.

Më duket se ajo që duhet të presim nga shtetet evropiane, është që ky deti Mesdhe mos preket më shumë se ç’është prekur. Është dëmtuar shumë, ka shumë ndotje. Mos jetë e Greqisë, Turqisë, Shqipërisë, mos ketë shpime nafte e ndotje. Kundër kësaj, shohim një kthim në territore, është imja apo jotja, dhe sjell edhe konflikte si ajo me Greqi- Turqi.

Në fund fare gjëja çon këtu. Çdo vend pretendon, por 12 miljet puqen në vendet e caktuara. Ajo që duhet, transparenca është që ku takohen, pra duhet të bëhen harta të qarta dhe të krahasohet. Cila ishte ajo marrëveshja, ajo harta, dhe cila është ajo harta që duan grekët me ato 12 miljet.

Pas këtyre hartave, se vjen veprimi, ka një marrëveshje që nuk do bëhen shpime, më mirë t’ia lëmë natyrën peshqve se sa njerëzve se e kanë masakruar. Këtu s’ka transparencë. Mbetet kjo, që për arsye politike të zgjedhjeve, të mbështetjes nga ndërkombëtarët, Greqia, mund të bëhen lëshime që janë në dëm të shqiptarëve. Shqipëria është më e dobët se Greqia, dhe për këtë ka përgjegjësi gjithë klasa politike. ”- tha Lubonja.