Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Prezantimi i projektit Milot-Fier, Rama: Do të jetë një investim evropian, me pagesë; S'do ketë më bilance lufte të aksidenteve me vdekje

Politiko 1 Korrik 2020, 11:57

Prezantimi i projektit Milot-Fier, Rama: Do të jetë një investim

Kryeministri Rama ka marrë pjesë në prezantimin e sotëm të projektit të segmentit Milot- Fier, projekt ky për ndërtimin e aksit 115 kilometra. Në fjalën e tij, në takimin për hapjen e garës për koncesionin për këtë rrugë, Rama është shprehur se ky do të jetë një projekt i bërë në bashkëpunim me partneritetin publik-privat. Sipas Ramës, ky do të jetë një investim evropian, rruga do të jetë me pagesë dhe për më tepër do tju jap mundësinë qytetarëve të përshkojnë distancën Morinë-Fier për 3 orë.

"I gjithë financimi, prej 1 miliardë e 200 milion eurosh do të bëhet nga fituesi i kësaj gare. Kështu që ne do të kemi një aks të korridorit blu që lidh jugun e Kroacisë, Malin e Zi, Shqipërinë dhe Greqinë në unazën ku lëviz një pjesë e konsiderueshme e trafikut përgjatë sezonit turistik dhe ne jemi të shkëputur nga pikëpamja e ofertës dhe një segment ende i mbetur i pa kryer në Kroaci", ka thënë ndër të tjera Rama.

“Jemi mbledhur për të komunikuar me publikun për një tjetër vepër të madhe strategjike, këtë aks rrugor. Një aks rrugor që edhe ky bën pjesë te ëndrrat, shpresat dhe premtimet e të gjitha viteve që kur premtimi u shfaq në hapësirën e pluralizmit. Ne e kemi shpallur ambicjen tonë për korridorin blu që në krye të herës. Ky projekt është vendosur në krye të tryezës së procesit të Berlinit, është kthyer në prioritet më pas është bërë i mundur financimi për mbështetjen teknike, për fillimin e punës për këtë korridor.

Më pas, për shkak të mekanizmave të pashmangshëm të burokracisë evropiane, pra duke parë vit pas viti ngadalësinë dhe hendekun e madh mes çka është vendosur në tryezën politike në procesin e Berlinit, dhe ate çka burokracia europiane ka sjellë si rezultat, ne hodhëm një hap dhe bëmë atë që dhe vendet e tjera në rajon kanë bërë.

Duke mos pritur në pafundësi, por duke vepruar dhe në atë hap në zgjodhëm partneritetin publik privat (PPP) si një mekanikën financimi për dy pjesë të këtij korridori të cilat kanë një rëndësi strategjike në vetëvete brenda aksit, Milot Balldren dhe Thumanë- Kasharit që janë sulmuar shumë dhe më pas në kushtet e një situatë të re të krijuar kur ne u angazhuam për paktin për universitetin e spostuar për Thumanë- Kasharit për krijimin e një hapësire të re fiskale të transformimit të kushteve të studentëve.

Segmenti Milot-Balldren është ende në një proces kohor të pa ezauruar, kështu që kjo është arsyeja pse ne flasim për segmentin Milot-Fier. I gjithë financimi, prej 1 miliardë e 200 milion eurosh do të bëhet nga fituesi i kësaj gare. Kështu që ne do të kemi një aks të korridorit blu që lidh jugun e Kroacisë, Malin e Zi, Shqipërinë dhe Greqinë në unazën ku lëviz një pjesë e konsiderueshme e trafikut përgjatë sezonit turistik dhe ne jemi të shkëputur nga pikëpamja e ofertës dhe një segment ende i mbetur i pa kryer në Kroaci.

Në këtë aks do të ndodhi një transformim kolosal në cdo aspekt. Numri i aksidenteve tani në këtë aks është bilanc lufte. Pavarësisht se janë ulur goxha gjatë qeverisjes sonë dhe ky është një fakt, jo opinion, sërish në këtë aks ka shumë aksidente që përfundojnë me shumë dëme, vdekje e plagosje.

Kjo rrugë do të jetë një rrugë e standardeve evropiane, me pagesë. Do të jetë një rrugë me shpejtësi të ndryshme dhe kushte të ndryshme. Me këtë investim nga Morina në Fier do të shkohet për 3 orë. Aksesi i të gjithë turistëve që vijnë nga Kosova ne brigjet e Jonit do të jetë jo vetëm më i shpejtë por edhe më i sigurt”, është shprehur Rama.