Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prishtina tërhiqet nga shfuqizimi i Gjykatës Speciale, Ramush Haradinaj: Nisma e deputetëve nuk do të vijojë

Politiko 3 Shkurt 2018, 08:59

Prishtina tërhiqet nga shfuqizimi i Gjykatës Speciale, Ramush

Kanë kaluar dhjetë vjet që kur Kosova shpalli pavarësinë, gati 20 vjet që kur përfundoi lufta këtu. Kosova pas shumë vonesash ka gjykatën e re të krimeve të luftës, por shumë njerëz duan ta nxjerrin atë jashtë përdorimit, madje para se ajo të fillojë punën. Megjithatë, kryeministri Ramush Haradinaj ka deklaruar për emisionin ‘Conflict Zone’ se deputetët janë tërhequr nga përpjekja për shfuqizimin e Gjykatës Speciale. Sipas tij, kjo nismë nuk do të vijojë më.

Në vitin 2015 Kosova ra dakord që të ashtuquajturat Dhomat e specializuara të ngrihen në Hagë për të gjykuar krimet e luftës ose akuzat për krime lufte që lidhen me konfiktin në Kosovë. Tani disa politikanë këtu duan ta nxjerrin gjykatën jashtë përdorimit madje para fillimit të punës. A do shkohet deri në fund apo jo?

Gjykata ekziston. Ajo është krijuar, votimi është bërë në parlament dhe ndryshimet kushtetuese për të janë votuar. Ideja e parlamentarëve ka të bëjë me procedurën e gjykatës, por nuk shkon deri në nivelin e ndalimit të gjykatës.

Vërtet, sepse 43 parlamentarë kanë vënë firmën në një peticion, apo jo? Ata duan të ndalojnë gjykatën para se të fillojë.

Gjykata vetë i ka marrë 80 vota. Kjo përbën dy të tretat. Ekziston një amandment i kushtetutës sonë. Ne kemi rënë dakord për këtë. [Ligji i ri] Është ligji për mënyrën e procedimit, procedimit të gjykatës, ajo çka kanë inicuar për shfuqizim parlamentarët, me idenë e ndryshimit të ligjit, ligjit ekzistues, por kjo nuk e arrin nivelin e ndalimit të vetë gjykatës.

Pra gjykata do vazhdojë deri në fund?

Gjykata ekziston. Gjykata është krijuar me një amendament kushtetues dhe nuk vihet në pyetje.

Ju keni marrë një deklaratë të përbashkët, një deklaratë e përbashkët që është bërë më 4 janar nga Gjermania, Britania, Italia, Franca dhe SHBA. Ata paralajmërojnë se çdo lëvizje për të ndaluar këtë gjykatë do verë në rrezik çdo gjë që Kosova ka arritur deri tani. "Kushdo që mbështet këtë,” thanë ata, "do të refuzojë partneritetin e Kosovës me vendet tona, përfshirë integrimin e Kosovës në BE dhe NATO. Pra, bëhet fjalë për gjëra shumë të mëdha, apo jo?

Po. Shumë të mëdha. Ne jemi të vetëdijshëm për këtë në Kosovë. Në fakt Kosova i ka përmbushur në të kaluarën detyrimet e saj kundrejt ligjeve kombëtare dhe ndërkombëtare. Pra nuk ka dyshim se Kosova do të vazhdojë dhe do të mbetet e angazhuar në përmbushjen e detyrimeve kombëtare dhe ndërkombëtare.

Por jo nëse ju do përpiqeni të ndryshoni mënyrën se si vepron gjykata.

Nisma e parlamentarëve që është bërë në parlament siç e thashë nuk është vendim. Është një nismë parlamentarësh.

E di që është një nismë, por pyetja është a do vazhdojë ajo apo jo.

Duket se jo.

Duket se jo? Vërtet, nuk do vazhdojë më?

Jo.

Një nga gazetat tuaja e quajti këtë përplasjen më serioze dhe dramatike midis institucioneve të larta të Kosovës dhe Perëndimit. Ajo i përshkruan përpjekjet kundër gjykatës si sinjale paniku brenda radhëve të udhëheqësve të Kosovës. A keni rënë ju në panik për shkak të kësaj gjykate?

Personalisht?

Personalisht ju ose kolegët tuaj.

Shqetësimi lidhet me gjykatën dhe disa njerëz këtu e konsiderojnë këtë si padrejtësi, si një institucion i ligjit që seleksionon vetëm krime të supozuara dhe jo (gjithҁka) që ka ndodhur këtu në të kaluarën. Por unë nuk kam frikë, as frikë personale as frikë tjetër. (DW)