Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Procedurat e shkarkimit të Ilir Metës, deputeti i PS: Presidenti vazhdon detyrën deri sa të vendosë Kushtetuesja

Politiko 14 Qershor 2019, 09:03
Procedurat e shkarkimit të Ilir Metës, deputeti i PS: Presidenti

Deputeti i PS Ilir Beqja zbardh procedurat e shkarkimit të presidentit Ilir Meta. I ftuar në emisionin “Debati në Channel One” të gazetarit Roland Qafoku, Beqja tha se kjo procedurë do zgjasë 2 muaj duke mos llogaritur pushimet.

Ato janë:  Kërkesë e mbi 35 deputetëve, shqyrtim në komisionin e ligjeve, raport në parlament, ngritje të komisionit hetimor, debat në parlamenti, votim për shkarkim dhe vendim i Gjykatës Kushtetuese.

Ajo që bie në sy është se Partia Socialiste po përgatitet të ngrejë një komision të posaçëm hetimor ndaj presidentit Meta, i pari në historinë e shtetit shqiptar dhe po për herë të parë një president do thirret në komision.

“Procesi i shkarkimit të një presidenti është i gjatë.  Dhe në rastin e presidentit Meta kështu pritet. Domethënë përveç rezolutës sot që ishte një akt i parë politik. Ne kemi filluar procesin e  mbledhjes së firmave. Ditën e hënë kërkesa e të paktën 35 deputetëve  dhe një mos gaboj sot janë firmosur ose 50 ose 51. Kjo kërkesë do t’i bëhet publike kryetarit të seancës. Seanca e radhës është të hënën. Kryetari i Kuvendit ia dërgon Komisionit të Ligjeve i cili brenda 15 ditëve i duhet të hartojë një raport. Mund ta hartojë edhe më shpejt. Ndërkohë brenda kësaj periudhe pala e interesuar ka të drejtë të dëgjohet.  Domethënë Komisioni i Ligjeve ka për detyrë ta thërrasë presidentin e Republikës. A vjen apo nuk vjen ai kjo është çështje tjetër. Pas 15 ditëve ky komision do hartojë një raport . Pastaj ka prapë debat në seancë parlamentare. Pas kësaj, nëse pas atij debati na mbushet mendja ngremë komisionin hetimor i cili ka kohën e vet. Të gjithë këto gjëra duan jo më pak se dy muaj. Pushimet e verës na kapin në mes. Se si shkon komisioni hetimor pastaj nuk e them dot. Komisionet hetimor kanë historitë e tyre. Dhe pas kësaj vihet në seancë dhe vihet në votim. Deri ditën që Gjykata Kushtetuese nuk e gjykon këtë çështje presidenti vazhdon detyrën”, sqaron Beqaj të gjitha hapat që do ndjekë mazhoranca për shkarkimin e Metës.

Të fundit