Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Procesi ndaj familjes Bossi, flet Renzo: Nuk e dija që isha diplomuar te “Kristali”

Politiko 13 Korrik 2018, 16:34

Procesi ndaj familjes Bossi, flet Renzo: Nuk e dija që isha diplomuar te

Universiteti “Kristal” i themeluar nga Ahmet Muça u vendos për herë të parë në qendër të një hetimi në vitin 2012, kur autoritetet italiane zbuluan se Renzo Bossi, djali i ish-kreut të Lega Nord ishte diplomuar te “Kristal” pa qenë asnjë ditë në Shqipëri.

E vetmja që u penalizua nga skandali ishte një sekretare e universitetit, e cila u shpall nga gjykata përgjegjëse për falsifikimin e dy diplomave (të Renzo Bossit dhe një shtetasi tjetër italian).

I biri i themeluesit të Lega Nord po përballet me procese të shumta gjyqësore. La Repubblica, në një artikull të saj jep detaje nga seanca. “Kam marrë vesh për diplomën time në Shqipëri vetëm pas këtij hetimi”, ka deklaruar Bossi para trupit gjykues. Mirëpo sipas Prokurorisë Renzo Bossi ka paguar diplomën me fondet e partisë.

Artikulli i plotë i La Repubblica përshtatur nga Politiko.al

Renzo Bossi, nofka e të cilit është “Trofta”, u mor në pyetje gjatë procesit në të cilin është i pandehur për përvetësim të paligjshëm bashkë me të atin Umberto dhe provon të mbrohet nga të gjitha akuzat, përfshirë këtu edhe ajo për blerejn e një titulli studimi pranë Univeristetit Kristal me fondet publike të partisë Lega.

Diplomimi është dokumentuar nga hetimi “The family” për të cilën prokurori Paolo Filippini i kërkoi hesap pasi ishte vetëdeklaruar i “diplomuar”.

“Dokumentet mbi diplomimin tim i kam parë vetëm pasi janë publikuar gjatë hetimit – pohon djaloshi - dhe mbeta i mëdyshur pasi pikë së pari data e lindjes e shkruar në diplomën e shkollës së lartë është e gabuar”.

Bossi junior shpjegon se nuk ka ditur kurrë se ish ekonomisi Francesco Belsito, edhe ai i pandehur në këtë çështje, ishte aktivizuar për t’i dhënë një titull studimi.

“Pas maturës kam folur me familjen duke shprehur vullnetin për të studiuar në Amerikë për të kompletuar studimet dhe për t’u kthyer e për të dhënë kontributin tim në kauzën e partisë, por më vonë hyra në Këshillin Rajonal, jetoja midis Legës dhe Këshillit, dhe nuk kisha më kohë për të menduar për këtë problem”.

Në deponimin e tij Bossi i ri përjashton “t’i ketë kërkuar para nga Belsito pasi nuk kishte arsye. “Nuk merrja asnjë rimbursim por, si gjithë të zgjedhurit e tjerë, jepja një kontribut për partinë”.

Më tutje Renzo Bossi mohon të ketë përdorur paratë e partisë për të paguar gjobat që dy shoferët që “nga 2012 më shoqëronin” dhe të cilëve “iu vendosa në dispozicion makinën time: faktikisht i kam paguar unë duke bërë edhe pagesën me këste ndaj Equitalia për një shumë prej 14 mijë euro”. “Akuzohem për përvetësim të paligjshëm”, është shprehur ai.

Në sallën e gjykatës ndodhej edhe themeluesi Carraçio, i cili ia la në dorë avokatit të tij deklaratën spontane përballë gjyqtarëve. Senatori thekson se partia e themeluar nga ai “është e gjallë dhe Lega është bërë edhe më e fortë se më parë pavarësisht gjithë telasheve që na kanë krijuar dhe kanë kulmuar me këtë proces”. /Politiko.al/