Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Prokurori italian në sy të ministres Gjonaj: Aktivitetet kriminale në Shqipëri drejtohen nga burgu

Politiko 29 Janar 2019, 11:04

Prokurori i antimafias italiane, Federico de Raho ka bërë një deklaratë të fortë në takimin ku e pranishme ishte edhe ministrja e Drejtësisë, Etilda Gjonaj.

Në konferencën e organizuar në Tiranë kundër krimit të organizuar, prokurori italian ka deklaruar se në Shqipëri aktivitetet kriminale drejtohen nga burgjet, sektor në varësi të ministrisë së Drejtësisë.

“Në Shqipëri kohët e fundit është miratuar ligji specifik për ndalimin e kontakteve për të burgosurit, që është neni ’41-bis’ në Itali. Është shumë i rëndësishëm, pasi sjell kufizimin e mundësive për të komunikuar me mjedisin e jashtëm nga pjesëtarët e organizatave kriminale, për të mos drejtuar aktivitetin edhe nga burgu. Ky ligj ndalon kapot e mafias që të veprojnë nga ambientet e brendshme të qelive, duke dhënë urdhra për të menaxhuar bizneset e tyre edhe nga burgu.

Do të shikojmë nëse regjimi i burgjeve do të jetë në gjendje që ta pengojë”, u shpreh prokurori, i cili shtoi gjithashtu se trafiku i drogës dhe pastrimi i parave janë dy probleme tjera në Shqipëri, që duhen luftuar.

Prokurori italian tha se kriminaliteti shqiptar është i specializuar në trafikun e drogës, të ardhurat e të cilës pastrohen në Shqipëri.

“Vetëm në raste shumë të rralla fitimet janë fshehur apo riinvestuar në Itali, pasi ka një mundësi të lartë, që pastrimi i parave të ndodhi përmes organizatave kriminale. Ky fenomen ndodh në Shqipëri. Riinvestimi i paligjshëm dhe korrupsioni janë rrezik shumë serioz. Mendojmë sa korrupsion mund të ketë nga subjektet kriminale që kanë pasuri të mëdha. Në çdo vend të botës ka jo vetëm një lidhje mes korrupsionit dhe rëndësisë ekonomike që ka marrë trafiku i drogës, por edhe një marrëdhënie e drejtpërdrejtë e konsolidimit të organizatave të mëdha dhe depërtimi në politikën vendore apo qendrore”.

Të fundit