Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prokuroria e Përgjithshme drejtohet nga Fatmir Xhafaj? Të gjitha akuzat dhe dyshimet që kryeprokurori i Elbasanit hodhi mbi Arta Markun dhe ministrin e Brendshëm

Politiko 9 Janar 2018, 13:17

Drejtuesi i Prokurorisë së Elbasanit, Dritan Gina ka lëshuar akuza dhe dyshime të forta mbi cenimin e pavarësisë së Prokurorisë së Përgjithshme nga pushteti ekzekutiv. Në çdo sistem demokratik, sistemi i drejtësisë, ku përfshihet edhe Prokuroria, duhet të jetë i ndarë nga pushteti ekzekutiv (qeveria), por deklaratat e Ginës tregojnë një situatë alarmuese. Sipas tij, çdo lëvizje që kryen Prokurorja e Përgjithshme e Përkohshme, Arta Marku, bëhet në konsultim me ministrin e Brendshëm, Fatmir Xhafaj.

Në deklaratën ku refuzoi urdhrin e Markut për t’u larguar nga detyra e kryeprokurorit të Elbasanit, Dritan Gina përmendi disa herë rolin e ministrit Xhafajt dhe Policisë së Shtetit në çështje hetimore me rëndësi të madhe në këtë qytet, duke akuzuar edhe për braktisje të hetimeve dhe manipulim të provave.

Gina ishte shumë i qartë kur tha se institucioni i prokurorisë menaxhohet nga persona jashtë-institucional, ndërsa shkarkimin e tij e konsideroi të nxitur politikisht.

Ndër të tjera ai tha: “Ky është sinjal për të gjithë prokurorët dhe jo vetëm për ata të Elbasanit, që kushdo që synon të zhvillojë hetime për grupe apo struktura të caktuara kriminale  mund ta pësojë në vendin e punës dhe në karrierën profesionale.”

Plumbat ndaj policëve te ‘Universi’, kryeprokurori i Elbasanit: Dyshime se persona të pautorizuar kanë akses në kamerat e Qazim Sejdinit. Si reagoi Tirana ku kërkova ndihmë...

Akuzat dhe dyshimet e prokurorit Dritan Gina:

Për Arta Markun: Vendimi i Prokurorit të Përgjithshëm të Përkohshëm për ndërprerjen e mandatit të Prokurorit të Elbasanit është tërërisht i kundraligjshëm. Në asnjë pikë të dispozitave kalimtare nuk është parashikuar mundësia që Prokurori i Përgjithshëm i Përkohshëm të ndërpresë funksionet e drejtuesit të caktuar përkohësisht dhe për më tepër të komandojë një tjetër drejtues. Nga ana tjetër kam të gjithë të drejtën, bazuar edhe nga informacionet, se kjo lëvizje antiligjore është e nxitur edhe nga qarqe të caktuara politike.

Për Fatmir Xhafajn: Pavarësisht angazhimit të trupës së prokurorëve, këto ngjarje nuk janë zbardhur, por autorët e tyre pavarësisht se njihen nga ana policia e shtetit nuk janë siguruar provat e nevojshme gjatë këqyrjes në vendngjarje dhe hetimeve paraprake, duke u konstatuar shkelje të rënda gjatë veprimeve hetimore.

Për Fatmir Xhafajn: Nga ana zyrtarëve të ndryshëm, kryesisht të Ministrisë së Brendshme dhe drejtorisë së Policisë së Shtetit, ka nisur një fushatë kundërshtuese ndaj Prokurorisë së Elbasanit, përfshirë edhe drejtuesin e saj që është sot këtu përpara jush. Madje, situata precipitoi deri në atë pikë sa disa punonjës të policisë ushtruan kontroll në zyrat e Prokurorisë me qëllimin e vetëm për të justifikuar procesin denigrues.

Për Arta Markun dhe Fatmir Xhafajn: Pas një sërë kundërvëniesh të pasuksesshme është gjetur mënyra më e mirë për të demotivuar Prokurorinë e Elbasanit duke urdhëruar lëvizjen antiligjore të drejtuesit të kësaj prokurorie. Ky është sinjal për të gjithë prokurorët dhe jo vetëm për ata të Elbasanit, që kushdo që synon të zhvillojë hetime për grupe apo struktura të caktuara kriminale  mund ta pësojë në vendin e punës dhe në karrierën profesionale.

Për Arta Markun: Ajo ka vendosur që unë të largohem nga posti i drejtuesit të Prokurorisë së Elbasanit pa asnjë tagër dhe bazë ligjore. Vendimmarrja e Prokurorit të Përgjithshëm të Përkohshëm në rastin tim, por edhe kolegëve të tjerë, nuk bazohet në asnjë analizë pune dhe problematikash. E besoni ju që deri në këtë moment që flasim, Prokurori i Përgjithshëm i Përkohshëm nuk ka kërkuar asnjë analizë dhe stafin nuk ka bërë asnjë mbledhje. Pse? Sepse kjo nuk i intereson aspak. Duket qartë që Prokurori i Përkohshëm kërkon të njhet me problemet e institucionit që drejton vetëm nëpërmjet kontakteve me zyrtarët politikë. Menjëherë pas këtyre kontakteve politike, Prokurori i Përgjithshëm i Përkohshëm ka nxjerrë vendimin për lëvizjen e prokurorëve.

Unë nuk dua të bëj analizën e vendimmarrjes se Prokurorit të Përkohshëm të Përgjithshëm sepse nuk e kam atë tagër, por si prokuror dhe si jurist e vlerësoj tërësisht të papërshtatshëm që një institucion i pavarur të menaxhohet nga zyrtarë politikë jashtë-institucional.

Për Arta Markun: Duke qenë jursit si shumë kolegë të mi, e kam shumë të qartë se një urdhër haptazi i paligjshëm nuk zbatohet, për këtë arsye, pavarësisht se çfarë ka vendosur Prokurori i Përgjithshëm i Përkohshëm, unë nuk mund të braktis detyrën bazuar në një urdhër të paligjshëm. Unë refuzoj ta zbatoj atë dhe do të vazhdoj të ushtroj funksionet e mia derisa vendimmarrja të zbatohet në Kushtetutë dhe ligj. 

Për Fatmir Xhafajn: Një nga rastet kryesore kur policia nuk bashkëpunoi kur ne kërkuam ndihmën e saj në terren. Kjo ndihmë nuk erdhi asnjëherë me pretendimin se punonjësit e policisë ishin në plazh, ishin me pushime, dhe për këtë arsye ky hetim dështoi.

Për Arta Markun: Gjithashtu, problematika të tjera konstatohen edhe në çështje që janë nën hetim. Madje unë mund t’ju them se rasti më i fundit është rasti i ngjarjes që ka ndodhur tek hotel ‘Univers’, unë kam kërkuar ndihmë nga Prokuroria e Përgjithshme, nga shefi i IT-së pranë kësaj Prokurorie, për të kryer veprime pranë serverave të bashkisë pasi ka dyshime se persona të paautorizuar mund të kenë akses në këto servera. Kjo lëvizje (largimi nga detyra) vjen menjëherë pas kësaj kërkese që unë kam bërë në Prokurorinë e Përgjithshme.

Për Arta Markun dhe Fatmir Xhafajn: Unë si prokuror nëse dua të di ku qëndrojnë problemet e prokurorisë atëherë do të konsultohem me stafin tim dhe jo me stafin e Ministrisë së Brendshme apo në rastin konkret me ministrin Xhafaj të cilin e ka pritur (më takim).

Për Arta Markun: Nëse Prokurori i Përgjithshëm i Përkohshëm kërkon të bëhet Prokuror i Përgjithshëm i Përhershëm nuk mund të bëhet duke bërë qoka personale, por këtë mund ta arrijë nëpërmjet cv-së së saj dhe duke kandiduar në Këshillin e Lartë të Prokurorisë, këshill të cilit i bindem edhe unë tërësisht.

“Kryengritja” ndaj Arta Markut, prokurori i Durrësit nuk pranon të japë dorëheqje

Kush janë 3 kryeprokurorët e rinj të emëruar nga Arta Marku në Elbasan, Kukës dhe Fier që u morën me dosjet e bujshme

Të fundit