Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pronat e krimit do kthehen në qendra sociale, Soreca: Projekti jo vetëm me orientim social, por edhe ekonomik

Politiko 3 Korrik 2020, 14:20

Pronat e krimit do kthehen në qendra sociale, Soreca: Projekti jo

Asetet e krimit të organizuar të konfiskuara nga OFL do të kthehen në qendra sociale, për t’iu shërbyer grave e vajzave të dhunuara, apo trafikuara, në menyrë qe ato të riintegrohen përsëri në shoqëri. Ky projekt i iniciuar nga të rinjtë, të cilët kanë kryer kundërvajtje penale do të vihet në zbatim në tre qytete të Shqiperisë, në Durrës, Fier dhe Sarandë. Në një intervistë për “News 24” ambasadori i BE në Tiranë, Luigi Soreca, është shprehur se ky nuk është vetëm një projekt me orinetim moral, por edhe ekonomik.

”Ky nuk është vetëm një projekt me orientim moral, është gjithashtu një projekt me orientim ekonomik, ideja është t’u jepet ndihmë individëve që nuk kanë pasur mundësi më parë. Sigurisht që ka një ndikim të dyfishtë, jo vetëm ekonomik siç thashë, por edhe që t’i japë idenë se ligjshmëria është rikthyer aty ku nuk kishte ligjshmëri për shkak të krimit të organizuar. Pra, jo vetëm konfiskim i pasurive, por kthimi i tyre në një instrument të ligjshëm që ka përfitime ekonomike”, tha Soreca.

Për ambasadorin Soreca, fenomeni i dhunës ndaj grave dhe shfrytëzimi seksual i tyre, është një plagë e shoqërisë shqiptare e cila duhet të luftohet seriozisht. Ai tregon se ky projekt nuk mund ta luftojë i vetëm këtë fenomen të tmerrshëm, por është më tepër për të rritur ndërgjegjësimin. Ambasadori thekson se historitë e shfrytëzimit seksual nisin nga një marrëdhënie familjare, e më pas vajzat përfundojne në Itali, ku forcohen të prostituojnë. Koment të cilin ambasadori e ilustron edhe me një shembull.

”Sigurisht që ky projekt nuk mund ta luftojë i vetëm këtë fenomen të tmerrshëm, por ai rrit ndërgjegjësimin rreth tij dhe së bashku me projekte të tjera dhe nisma që kemi me autoritetet shqiptare ne duam ta bëjmë të qartë se dhuna në familje duhet të luftohet seriozisht, nuk duhet të ndodhë në Shqipëri, dhe duhet ndaluar në mënyrë absolute. Më ka prekur veçanërisht një histori. Është historia e një vajze që u detyrua të bëhej prostitutë dhe pas disa aktesh dhune u detyrua të dilte në rrugë. Por natën e parë që doli të prostituonte, takoi një agjent policie të infiltruar që ishte klienti i saj i parë potencial. Ky ishte një moment fati për të, sepse ky polic i mundësoi asaj të dilte nga kjo situatë dhe gjithashtu e u ndoqën penalisht njerëzit që e shfrytëzonin atë. Vajza është kthyer tani dhe është pjesë e kësaj nisme. Këto janë histori shumë të trishta që ne nuk duam t’i dëgjojmë, por që ekzistojnë dhe duhet të përballemi me to. Ky projekt i ka ndihmuar këto vajza të rimëkëmben nga këto përvoja traumatike”, ka thënë ambasadori Soreca.

Ndërsa thekson se OFL është bërë një punë e mirë, Soreca ka kërkuar që të respektohet po ashtu edhe të drejtat e personave që përfshihen në konfiskim. Ambasadori i BE-së në Shqipëri, bën me dije se do të vazhdojë të monitorojë të gjithë vazhdimesinë e operacioneve të kryera nga kjo strukturë.

“Mund t’ju them se në bazë te këtij ndryshimi, jam në dijeni se janë sekuestruar 243 asete kriminale nga OFL dhe janë dërguar për vlerësim në SPAK dhe SPAK ka aprovuar 102 prej këtyre pasurive. Tani jemi në fazën e hetimit dhe janë në vëmendjen e gjykatës së SPAK-ut, me qëllim që të nisë procesi i konfiskimit. Ne presim me padurim finalizimin e procesit, sepse nëse pasuritë do të konfiskohen përfundimisht do të vihen në dispozicion të vazhdimësisë së projektit që ka nisur. Unë do të vazhdoj ta ndjek këtë me besimin se sigurisht të drejtat e njerëzve të përfshirë në sekuestrim të respektohen plotësisht nga autoritetet e përfshira në sekuestrim dhe konfiskim”, ka thënë Soreca ndërsa kërkon që konfiskimi i aseteve të krimit dhe kthimi i tyre në qendra komunitare të kthehet në një program kombëtar nga qeveria.