Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Prononcimi i ‘Eskobarit’ për mediat greke: As Edi Rama nuk më shpëton dot nëse vërtetohen akuzat

Politiko 15 Janar 2019, 23:15

Prononcimi i ‘Eskobarit’ për mediat greke: As Edi Rama nuk

Emri i Klement Balilit ka qenë në ‘syrin e ciklonit’ përgjatë tre viteve të fundit. I ashtuquajturi ‘Eskobari i Ballkanit’ është akuzuar shpesh si një ndër trafikantët më të mëdhenj të drogës në rajon dhe më gjërë. Megjithatë, në një intervistë për gazeten greke 'Ethnos', dhënë më datën 31 Tetor 2016, Balili mohon çdo akuzë.

“Kam lexuar që më kanë pagëzuar ‘Eskobari i Ballkanit’, por më bën përshtypje që, si ka mundësi që asnjëri të mos ketë bërë një kërkim serioz që të gjejë nëse kam pasur ndonjëherë në jetën time skaf të shtrenjtë, shtëpi luksoze, apo të kem bërë jetë luksoze. Si është e mundur që njëri që është ‘Eskobari i Ballkanit’, d.m.th. ka miliona euro, të zgjohet në 6 të mëngjesit, të shkojë në Drejtorinë e Transporteve në Sarandë, të punojë 8 orë për një rrogë të mirë dhe të ketë një familje që jeton një jetë mesatare si ajo që kanë mijëra shqiptarë të tjerë, pa asnjë makinë apo shtëpi luksoze?”, shprehej asokohe Balili.

“Akuzat? Çështje politike”

“E gjithë çështja është politike, e cila është e sigurt që si në Shqipëri kur të vijnë provat do të zhduket, ashtu edhe në Greqi. Pardje u njoftova nga avokati im, z.Kuja, që vetë përfaqësues të policisë greke që kanë ndërtuar këtë çështje të pavërtetë në bashkëpunim me Berishën dhe politikanë të opozitës, u përpoqën të më përfshinin në një çështje tjetër. Dhe kur u bë konferencë për shtyp e policisë greke dhe përfaqësuesi z.Kuja pyeti se pse përsëri pati publikim në media për përfshirjen time dhe nëse ka qoftë edhe një provë të vetme, përgjigjja ishte që kam lidhje, thuhej që ka dyshime, të cilat në Shqipëri me një mënyrë automatike u bënë temë kryesore, si të isha i akuzuar për këtë çështje”.

Urdhëri i arrestit në 2016

“Në Shqipëri, nëse do të kishte qoftë edhe një dokument që më bënte fajtor, nuk do të mund të më shpëtonte askush, aq më pak që Kryeministri i Shqipërisë, Edi Rama, i ka shpallur luftë paligjshmërisë në Shqipëri, diçka që nuk ndodhte me qeverinë e mëparshme. Nga provat që kam në dorë, ku është e gjithë dosja hetimore e përkthyer në shqip dhe në bashkëpunim me avokatët e mi dhe z. Kuja që kam në Greqi, si dhe avokatët në Shqipëri, të gjithë më thonë që nuk ka asnjë provë", pohonte 47-vjeçari duke shtuar:

"Por me një ndryshim që këtë dosje hetimore, nëse nuk e kanë zyrtarisht autoritetet shqiptare, nuk mund të nxjerrin asnjë vendim dhe kështu unë jam peng i një urdhër arresti, i cili,nuk lidhet me asnjë provë. Jam edhe peng i kësaj procedure, ku drejtësia shqiptare është e detyruar ta ekzekutojë këtë urdhër arresti, edhe pa prova dhe nuk mund ta anulojë sepse duhet të vijnë provat zyrtare nga Greqia. Provat jozyrtare që kam unë dhe avokatët e mi, nuk mund t’i dorëzohen drejtësisë shqiptare. Duhet të ndodhë në mënyrë zyrtare”, ishte qendrimi i Balilit.