Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Propozime drastike/ Basha: Të ndryshojmë sistemin, parlament me dy dhoma

Politiko 6 Mars 2020, 17:11

Propozime drastike/ Basha: Të ndryshojmë sistemin, parlament me dy

Lideri i opozitës, Lulzim Basha, ka zhvilluar sot një takim me të rinj dhe intelektualë ku ka mbajtur një fjalim të gjatë dhe ka prezantuar një ndryshim radikal të sistemit zgjedhor.

Basha është shprehur se zgjedhjet në Shqipëri janë prishur dhe ndaj është koha për të ndryshuar rregullat.

“Vota jonë nuk ka vlerë për shkak të paracaktimit të rezultatit. Është koha të ndryshojmë rregullat. Ndryshimi i parë, kontroll të plotë kushtetues dhe ligjor mbi kandidatët, që të jenë të pastër dhe me integritet. Kontrolli të bëhet nga një organizëm i pavarur. Ndryshimi i dytë, tolerancë zero për ata që përfshihen në shitblerjen e votës. Edi Rama i ka mbrojtur dhe promovuar, ne do t’i çojmë në burg. Ndryshimi i tretë, financimi i partive, që ato të mos varen nga biznese dhe individë të pasur. Politikanët të varen nga njerëzit dhe të kontrollohen prej tyre. Kush financon partitë, përjashtohet nga marrja e tenderave publikë pas zgjedhjeve, që të mos përfitojnë për shkak të donacioneve për partitë. Ndryshimi i katërt, identifikim, votim dhe numërim elektronik. Do t’i bëjë zgjedhjet më të ndershme dhe rezultatin më të shpejtë”, tha Basha, ndërkohë që nuk la pa përmendur edhe çështjen e sistemit.

Sipas tij vendi ka nevojë për një sistem të thjeshtë, të qartë, përfaqësues, një sistem, që i kërkon llogari qeverisë. “Vendimi për sistemin duhet t’u takojë të gjithë qytetarëve, jo vetëm partive politike. Sistemi zgjedhor të garantojë kontrollin dhe balancimin e pushteteve, në mënyrë që pushteti të mos përqendrohet në një dorë”, nënvizoi lideri i opozitës.

Basha propozoi gjithashtu ngritjen e një Senati për llogaridhënien e qeverisë. “40 anëtarët e Senatit zgjidhen bashkë më 100 anëtarët e Parlamentit. Parlamenti me dy dhoma nuk rrit koston për qytetarët, por ndryshon mundësinë për t’u shërbyer njerëzve në mënyrë pozitive. Arroganca dhe presioni i qeverisë nuk do të funksionojnë më për një parlament të fuqizuar me dy dhoma. Qeveria duhet të kërkojë konsensus me të dy dhomat”, tha ai.

Gjithashtu kryeopozitari tha se 100 ditë para zgjedhjeve shqiptarët do të kenë një qeveri kujdestare për të menaxhuar procesin, për të garantuar zbatimin e ligjeve dhe votën e lirë.

“Shitblerja e votës shuan zërin e qytetarëve dhe i jep kontrollin një grushti politikanësh, biznesmenësh dhe kriminelësh të fuqishëm. Reforma zgjedhore është hapi i parë për t’i dhënë fund korrupsionit, për një ekonomi më të fortë dhe anëtarësim në BE. Mënyra e zhvillimit dhe rezultati i zgjedhjeve ndikon direkt në jetën tonë. Me një rezultat të ndershëm përfitojnë të gjithë shqiptarët”, tha ndër të tjera Basha.