Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Propozimet e PD për Covid-19, BSH sot pezullon pagesën e kredive, Basha: Qeveria asnjë kompleks për zbatimin e tyre në kohë krizash

Politiko 12 Mars 2020, 12:52

Propozimet e PD për Covid-19, BSH sot pezullon pagesën e kredive,

Kreu i PD, Lulzim Basha ka përshëndetur vendimin e Bankës së Shqipërisë për pezullimin e pagesës së kredive, si një nga masat e propozuara dje nga PD.

“Përshëndes Bankën e Shqipërisë për vendimin e pezullimit të pagesës së kredive, që është një nga masat e propozuara nga PD. Është e domosdoshme në këtë situatë të jemi pranë qytetarëve, operatorëve ekonomikë e sidomos biznesit të vogël!”, shkruan Basha në rrjetet sociale, teksa fton qeverinë që të marrë në shqyrtim edhe pikat e tjera të propozuara.

“Situata emergjente kërkon masa emergjente! Ftoj qeverinë që në këtë kohë krize të mos ketë asnjë kompleks të zbatimit të masave ekonomike dhe sociale të propozuara nga PD por të veprojë pa humbur kohë dhe të adoptojë këto masa për hir të të gjithë shqiptarëve. Koha nuk pret!”, shkruan kreu i PD.

Pikat e propozuara nga PD:

Pezullimin dhe fshirjen e pagesave të faturave të energjisë dhe të ujit për të gjithë konsumatorët (familjarë dhe biznese)në zonat (bashkitë) ku virusi Covid-19 është shfaqur. Gjithashtu, tëndalohet shkëputja e furnizimit me ujë dheenergji elektrike në rast të mospagesës së detyrimeve përperiudhat pararendëse deri në tejkalimin e kësaj gjendje.

Pezullimin e kontributeve të sigurimeve shoqërore dhe shëndetësore për një periudhë 3-mujore (dhe shlyerja e këtyre pagesave të bëhet me këste 12-mujore në periudhat pasardhëse).

Përjashtimin nga tatim-fitimipër një periudhë nga 6 deri në 12 muaj për të gjitha subjektet në zonat (bashkitë) ku virusi Covid-19 është shfaqur, me qëllim përballimin e plotë të “2-muaj” kosto të pagave të punonjësve dhe ambjenteve të marra paraprakisht me qera për zhvillimin e aktivitetit.

Përjashtim nga taksa e pronës dhe nga të gjitha taksat dhe tarifat vendore për një periudhë 3-mujore në zonat (bashkitë) ku virusi Covid-19 është shfaqur.

Përjashtim nga kamatvonesat dhe gjobat për një periudhë 3 mujore.

Mbështetjeme fokus të veçantë për sektorët prioritare dhe sektorët me vulnerabël, siç janë; sektori i turizmit apo sektori fason, apo call center, të cilët kanë pësuar apo pritet të pësojnënjë rënie drastike nga koronavirusi dhe disa prej tyre janë goditurtashmërëndë edhe nga tërmeti i 26 nëntorit 2019.

Gjithashtu PD kërkon që të rishikohet buxheti i vitit 2020 dhe akordimi i fondeve të nevojshme në përballimin e kostove për trajtimin e të sëmurëve. PD thotë se të gjitha masat ekonomike janë të përballueshme në buxhetin e shtetit, duke sjell si shembull faktin, se sipas PD, qeveria do harxhojë 40 herë më shumë para me PPP-t se sa ka akorduar për Koronavirusin. Ndërkohë, Partia Demokratike i bën thirrje edhe sektorit bankar që të rishikojë mundësinë për riskedulimin e shlyerjes së kësteve të kredive konsumatore për biznesin apo qytetarët.

“Në fund, jo më pak nga rëndësia, ne emër të PD dhe opozitës së bashkuar i bëj thirrje sistemit bankar të konsiderojë riskedulimin e kësteve të kredive konsumatore, për shtëpi apo për kredi biznesi për familjarët dhe operatorët ekonomikë, ku këta të fundit e shohin të domosdoshme rishikimin e tyre për shkak të rrethanave të rënduara si rezultat i kësaj krize”, thuhet ndër të tjera nga PD.