Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Propozuan ligjin që favorizoi kumarin, këta janë deputetët e PS që kanë mbetur në detyrë. Një emër i rëndësishëm mbahet sekret

Politiko 18 Tetor 2018, 15:15
Propozuan ligjin që favorizoi kumarin, këta janë deputetët e

Deputetët e Partisë Socialiste po kërcënohen sot nga burgu '313' me mesazhe për të mos votuar projektligjin që do të mbyllë pikat e basteve dhe kazinotë në zonat e banuara. Vetë kryeministri Edi Rama u detyrua t’u dilte në mbrojtje deputetëve dhe nga foltorja e Kuvendit dha garanci se ky projektligj do të miratohet.

Edhe pse kryeministri i ka shpallur luftë bixhozit, kjo industri është favorizuar disa herë nga deputetët e tij përgjatë pesë viteve të qeverisjes.

Rasti më i rëndë është ai i dhjetorit të vitit 2016-të, kur disa deputetë të mazhorancës propozuan projektligjin që shtynte afatin për kufizimin e lojërave të fatit në Shqipëri dhe krijimin e një distance prej 100 metra nga shkollat dhe institucionet fetare.

Deputetët që morën përsipër këtë nismë ishin Ervin Bushati, Ervin Koçi, Blerina Gjylameti, Luan Duzha, Ylli Shehu dhe Tahir Muhedini. Nga këta emra, Bushati, Gjylameti dhe Duzha janë ende sot deputet të Partisë Socialiste dhe shumë shpejt do të detyrohen të votojnë një ligj të kundërt me atë që favorizuan dy vite më parë.

Vendimi i deputetëve u denoncua edhe nga kolegu i tyre, Saimir Tahiri, kur në maj të këtij viti dha dorëheqjen nga mandati.

“Ndërkohë që në parlament është bërë sherr në skenë për 4 vjet, poshtë në korridoret e errëta të Parlamentit u bënë bashkë 10 vetë pa dallim partie që gjetën konsensus për të mbajtur peng sirtareve për afro 4 vjet ligjin e lojrave të fatit. Por përsëri u akuzova unë ndërsa këta të tjerët sot rrijnë si ëngjëj, e unë i mbaj edhe në kurriz duke më bërë moral, sepse këta dashnorët e popullit, me mediat e blera arritën ti thonin popullit se edhe për lojrat e fatit që unë i mbylla, prap fajin e kisha unë”, u shpreh Tahiri.

Përpara këtyre gjashtë emrave, ishte socialistja Esmeralda Shkjau që favorizoi nëpërmjet një projektligji industrinë e bixhozit, por ashtu si Ervin Koçi, Ylli Shehu dhe Tahir Muhedini, ajo nuk është më pjesë e Kuvendit të Shqipërisë.

Në emisionin investigativ ‘Top Story’, ku u trajtua pikërisht kjo temë, u deklarua se projektligji i propozuar nga këta deputetë u hartua nga një deputet i rëndësishëm i Partisë Socialiste, i cili në fund nuk e vendosi firmën e tij. Emri i këtij deputeti mbahet edhe sot sekret.

Udhëhoqi “Fundin e Marrëzisë”,  ish-drejtuesi i Policisë rrëfen debatet me Tahirin: Kërkoi monopolizimin e lojërave të fatit

Të fundit