Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Protesta/ Basha mesazh qytetarëve: Një Shqipëri normale nuk do jetë më imagjinatë

Politiko 5 Mars 2019, 12:43

Protesta/ Basha mesazh qytetarëve: Një Shqipëri normale nuk do

Kryeopozitari Lulzim Basha garantoi qytetarët e pranishëm në protestën përpara Parlamentit në Tiranë, por edhe të gjithë shqiptarët, se një vend normal ku Qeveria i shërben njerëzve të saj, nuk do të jetë më një imagjinatë.

Sipas Bashës, pjesëmarrja e qytetarëve në protestë është ura që do të bëjë realitet një Shqipëri të palidhur me krimin dhe ku taksat shpenzohen për pensionet dhe mirëqenien e të rinjve.

“Imagjinoni një Shqipëri të palidhur me krimin, me njerëz që vijnë normalisht në pushtet dhe që ju shërbejnë juve, nuk ju mashtrojnë dhe nuk ju vjedhin. Imagjinoni një Shqipëri që taksat tuaja shkojnë për të rritur pensionet dhe për të krijuar kushtetet më të mira për të rinjtë. Imagjinoni një qeveri që ju u ofron shpresë dhe të ardhme për të nesërmen. Kjo nuk është më imagjinatë, por kjo pjesëmarrje është ura që do ta bëjë këtë realitet për çdo shqiptar. Jemi të vendosur për këtë mision nga thellësia e zemrës, nga dashuria për vendin. Nuk ka bandit dhe trafikant, nuk ka horr e hajdut, të na ndalë në këtë rrugë”, tha Basha.

Kreu i opozitës lëshoi një mesazh edhe për ata deputetë që kanë pranuar mandatet pas largimit të PD-së dhe LSI-së nga Kuvendi, duke i konsideruar tradhtarë që kanë shitur shpirtin. Ai theksoi se për Shqipërinë nuk do të ketë integrim në Bashkimin Evropian derisa sa në krye të Qeverisë të jetë kryeministri Edi Rama.

“Këtu nga ky shesh buçet vendimi i popullit sovran: Rama ik. Sovrani e ka marr vendimin. Prej javësh ajo godinë nuk është më godina e Kuvendit të Shqipërisë, por karantina e kolerës së krimit. Ata të mjerë që futen në atë godinë, shesin shpritin, janë turpi i shqiptarëve, janë tradhtarët që kurrë nuk do i falë Shqipëria. Zëri juaj është dëgjuar. Kjo është beteja për Shqipërinë e vlerave, kjo është beteja për Shqipërinë evropiane. Nuk ka Evropë me Shqipërinë si Kolumbia. Nuk ka Evropë me qeverinë e bërë njësh me krimin. Nuk ka integrim me korrupsion në nivelet më të larta. Nuk ka negociata me kryehajdutin Edi Rama. Vetëm drejtësia e çliruar nga kjo bandë, vetëm ligji i barabartë për të gjithë, vetëm rënia në gjunjë e qeverisë së ardhshme përpara dinjitetit qytetar, vetëm zgjedhjet e ndershme, do t’i hapin dyert e Evropës”, u shpreh kreu i demokratëve.

Basha fitoi të gjithë qytetarët për protestën e radhës që do të organizohet më 16 mars në Tiranë.

“Më 16 mars, populli sovran, edhe më shumë, edhe më i vendosur se kurrë më parë, do të marrë në dorë fatin e tij, dhe do t’i tregojë botës mbarë se hajduti që sot ia mbathi nuk është zot në shtëpinë tonë, madje nuk është më zot në shtëpinë e tij”, tha ai.

Sa i përket vizitës së Ramës në Itali, Basha tha se kryeministri do të përpiqet “të mashtrojë italianët për ato që nuk i besojnë më shqiptarët”, ndërsa ironizoi kur tha se mund të kërkoi edhe azil politik në vendin fqinj.