Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Protesta e 16 shkurtit/ Monika Kryemadhi: Populli të vendosë në karrige dhe populli të heqë nga karrigia

Politiko 15 Shkurt 2019, 19:56
Protesta e 16 shkurtit/ Monika Kryemadhi: Populli të vendosë në

Kryetarja e LSI-së, Monika Kryemadhi ka ftuar të gjithë qytetarët që t’i bashkohen protestës së nesërme, më 16 shkurt. Gjatë takimit me strukturat në Tiranë, Kryemadhi akuzoi klasën politike, ku përfshiu edhe veten, për fokusim në problemet e veta dhe se nuk është marrë kurrë me hallet e shqiptarëve.

“Sot ka ardhur momenti që të mos themi më: Rotacioni politik. Por sot ka ardhur momenti që t’i themi çdo politikani duke filluar nga Monika dhe kushdo tjetër: Mos të guxojnë më të bëjnë gabimet që ka bërë Edi Rama. Politika nuk punon për pesë veta, por politika duhet të punojë për qytetarët e saj, për burrat, gratë, djemtë dhe vajzat shqiptare, për fëmijët shqiptarë, në mënyrë që të gjithë të jemi të barabartë. Ne kemi pasur një qeveri, kemi pasur një klasë politike, e cila është marrë me problemet e veta dhe nuk është marrë kurrë me hallet e shqiptarëve”, u shpreh Kryemadhi.

Kryemadhi theksoi se “protesta e nesërme është protesta për ti dhënë një mësim politikës dhe politikanëve dhe unë brenda atyre, që populli të vendosë në karrige dhe populli të heqë nga karrigia.”

“Prandaj 16 shkurti ka rëndësi të madhe historike për ta ndarë një herë e përgjithmonë Shqipërinë nga tranzicioni, nga e kaluara dhe për ta futur në rrugën e integrimit europian. Hapja e negociatave ka rëndësinë më të madhe për ne sepse me hapjen e negociatave Shqipëria ndahet përfundimisht nga tranzicioni, ndahet përfundimisht nga e kaluara e vetë e hidhur dhe do të ndajë përfundimisht politikën nga krimi, i cili ka uzurpuar qeverinë, parlamentin dhe do gjë. Prandaj unë ju bëj thirrje, sot është pasditja e fundit, por jam e bindur që asnjëri nga ne nuk do të ndalojë duke njoftuar dhe duke organizuar për ditën e nesërme”, deklaroi kryetarja e LSI-së.

Të fundit