Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Provat e reja’ të Tahirit, si janë rrëzuar alibitë e paraqitura nga ish-Ministri; dokumenti i pafajësisë dhe 'Saimir kamionisti'

Politiko 29 Tetor 2018, 23:39

Me kërkesë të tij, ish-ministri i Brendshëm, Saimir Tahiri u paraqit sot në Prokurorinë e Krimeve të Rënda ku tha se dorëzoi para grupit tw hetimit njw dokument tw cilin e cilwosi si deçiziv pwr procesin.

Por kjo nuk është hera e parë, që ish-ministri shfaqet me argumentin e provave të reja.

Në 24 tetor, nga Kuvendi i Shqipërisë, atëherë ishte ende deputet, Tahiri paraqiti një dokument që sipas tij vërtetonte se ai nuk ishte në hetim nga pala italiane. “Brenda 48 orëve me një kërkesë fare të thjeshtë, unë sigurova këtë dokument nga Prokuroria e Katanias. Ky dokument mban datën 23 dhe thotë se përsa i përket shtetasit Saimir Bashkim Tahiri, i lindur më 30 Tetor 1979, nuk rezulton sot dhe më herët deri në këtë datë, që të ketë pasur ndonjëherë procedim penal nga Prokuroria e Katanias”, deklaronte Tahiri më 24 tetor.

Por një investigim i Top Channel ngriti dyshime mbi vërtetësinë e dokumentit të publikuar nga ish-ministri.

“Dokument të tillë nuk kam parë kurrë. Jo vetëm që nuk kam parë, por nuk janë të tillë dhe mund ta shohim. Është e dukshme! mungojnë një sërë gjërash. Së pari nuk është logo e Republikës së Italisë, që duhet të jetë në çdo akt zyrtar italian. Nuk është barkodi, që është një kod që shërben për të identifikuar aktin dhe cili e ka lëshuar këtë akt”, u shpreh avokati, Gofrredo D’Antona, pasi u njoh me dokumentin e publikuar nga Tahiri në kronikën e transmetuar nga Top Channel. Ai shtoi gjithashtu se “ka një dallueshmëri objektive. Mjafton që të shikoni, ky është origjinali ky është dokumenti që më keni treguar. Janë te papërputhshëm! Jo të ndryshëm, të papërputhshëm. Ky është një dokument fals”.

Po për dokumentin e paraqitur nga Tahiri, edhe kryetar i Dhomës Penale te Katanias, Enrico Trantino, në kronikën në fjalë do të shprehej: “absolutisht më duket një dokument jooriginal, duke marrë parasysh që dokumenti i Prokurorisë, pra ai zyrtari ka një bar kod, ka kokën me logon, ka një kod të skanueshëm. Ky është modeli që lëshohet nga Prokuroria e Katanias. Nuk më rezulton që të ekzistojnë të tjera. Kjo vulë nuk mund te them ç’është, por nuk mund të përjashtoj që të jetë e vërtetë. Por ama nuk tregon se cili është burimi që e ka vendosur. Ka një firmë me stilolaps, por jo emrin e punonjësit të Kancelerisë që e ka lëshuar”.

Ndërkohë, pak ditë më vonë, në publik do të hidhej një tezë e re, ajo se në përgjimet e Habilajve nuk bëhej fjalë për Saimir Tahirin, Ministrin e Brendshëm, por për një Saimir tjetër i cili ishte kamionist.

Por edhe kjo tezë u rrëzua pas publikimit, nga Politiko.al, të një pjese të audio përgjimeve të bisedave të zhvilluara mes Moisi Habilaj dhe personave të tjerë, ku flitej për dhurata, bizhu dhe kostum, për Saimirin.

Sot Tahiri ka paraqitur ato që ai i cilëson prova të reja, por nuk dihet se të besueshme mund të jenë kur alibitë e ngritura më herët i kanë rrëzuar mediat dhe jo më prokurorët.

Kronika e Top Channel