Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PS mban peng projektligjin për koncesionet, Vasili letër Ruçit: E kuptoj njëanshmërinë tënde, por duhet të ndash pa komplekse detyrimet

Politiko 16 Korrik 2018, 17:26

Kreu i Grupit Parlamentar të Lëvizjes Socialiste për Integrim, Petrit Vasili i është drejtuar sot me anë të një letre kreut të Kuvendit, Gramoz Ruçi, për projektligjin për ndryshime në ligjin e koncesioneve, i cili qëndron i mbyllur në sirtaret e këtij institucioni për gati dy vite.

Vasili thekson se ky projektligj, i dorëzuar në 2016-ën, po bllokohet në mënyrë arbitrare nga Partia Socialiste në Komisionin e Veprimtarisë Prodhuese dhe në Komisionin e Ekonomisë.

“Kjo situate dëshmon plotësisht se veprimtaria parlamentare nuk udhëhiqet më nga Rregullorja e Kuvendit të Shqipërisë si dhe detyrimet e patjetërsueshme, që rrjedhin nga ajo, por vetëm nga interesat e ditës së maxhorancës e cila praktikisht ka dalë mbi Rregulloren dhe detyrimet që rrjedhin prej saj duke uzurpuar edhe formalisht edhe procedurialisht Kuvendin e Shqipërisë”, shprehet Vasili në letër.

Deputeti i LSI kritikon ashpër edhe Gramoz Ruçin për qëndrimin që ka mbajtur për këtë çështje.

“Ju dini fort mirë që shqyrtimi i nismave të deputetëve apo të një grupi deputetësh nuk janë një favor, që maxhoranca mundet apo jo t’ja bëje opozites apo deputetëve të vecantë, por një detyrim i patjetërsueshëm, dhunimi i të cilit e zhbën Parlamentin dhe thelbin demokratik të ekzistencës së tij. Ndaj kësaj ngjarje, që ka qenë vazhdimisht në sytë tuaj nuk ka pasur asnjë reagim institucional, ndonëse unë, në emer të grupi parlamentar të Lëvizjes Socialiste për Integrim, kam pritur me durim, që ky respekt minimal dhe imponim për të ushtruar rregulloren të ndodhte nga Ju”, thuhet në letër.

Vasili kërkon nga Ruçi që të ndajë pa komplekse detyrimet që ka si kryetar i Kuvendit nga ato të anëtarit të PS.

“Unë e kuptoj ndjeshmerinë dhe njëanshmërine tuaj për maxhorancen, që ju ka zgjedhur, por ju kujtoj se administrimi i jetës parlamentare në respekt të Rregullores së Kuvendit dhe monitorimi i saj janë detyrë e juaja. Tolerimi i një situate të tillë, kur nisma e Grupit Parlamentar të Lëvizjes Socialiste për Integrim bllokohet në menyrë arbitrare dhe të paligjshme është një përgjegjësi e drejtpërdrejtë e juaja. Eksperienca e gjatë e juaja në jeten parlamentare besoj se është e mjaftueshme, qe ju të ndani me objektivitet dhe pa komplekse, detyrimet paralamentare tuaja si Kryetar i Kuvendit nga ato si një i zgjedhur i maxhorancës”, shprehet Vasili.