Flash News

PD-ASHM siguron dy mandate në Kukës, Isuf Çelaj më i votuari preferencial

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

KRYESORE

PS ngre në detyrë ‘pazarxhinjtë’ e votave; kandidatë për kryebashkiakë dhe drejtorë

Politiko 17 Qershor 2019, 18:54
PS ngre në detyrë ‘pazarxhinjtë’ e votave;

Pas fitores së zgjedhjeve lokale të vitit 2016 në Dibër, ku fitoi Muharrem Rama, Partia Socialiste shpërbleu drejtuesit e fushatës zgjedhore, si sipas Bild-it, kanë qenë të implikuar në shit-blerjen e votave.

Rastet më evidente janë ato të Dionis Ymerit dhe Agron Malajt, që janë aktualisht kandidatë për kryebashkiakë në Peshkopi dhe Burrel.

Dionis Ymeri, asokohe Drejtor i Drejtorisë Rajonale të Tatimeve në Dibër, është aktualisht kandidat për kryetar bashkie në Dibër i Partisë Socialiste.

Ymeri është akuzuar nga PD-ja si personi përgjegjës i ngarkuar me detyrën e sigurimit të fondeve financiare për blerjen e votave, si dhe është duke realizuar veprimtarinë kriminale të shpërndarjes së parave në zonat e Sllovës dhe Kalasë së Dodës.

Agron Malaj, asokohe pjesë e shtabit elektoral të PS në Dibër, është kandidat i PS për Bashkinë e Burrelit. Sipas PD, Malaj kryente shpërndarjen e parave në këmbim të votës në zonat malore të Peshkopisë.

Spartak Koltraka, asokohe pjesë e shtabit elektoral të PS, ndërsa në Nentor të 2017-ës u emërua Drejtori i Spitalit Rajonal. Sipas PD-së, Koltraka kryente blerjen e votave në kembim të parave në zonën e Kastriotit.

Sonila Braha, vijon të jetë në postin e Drejtorës së Shërbimit Social, institucion në varësi të Ministrisë së Drejtësisë dhe Mbrojtjes Saciale. Sipas PD-së, Braha kanoste punonjësit që të votonin në favor të kandidatit, Muharrem Rama.

 

 

Të fundit