Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

PS shpërblen militantët për zgjedhjet, do të punësohen në shtet ata që mblodhën më shumë vota

Politiko 26 Shtator 2017, 10:21

PS shpërblen militantët për zgjedhjet, do të punësohen

Rezultati “spektakolar”, sipas Ramës, që mori në zgjedhjet e 25 qershorit, u arrit edhe falë militantëve të Partisë, të cilët lobuan fuqishëm për të mbledhur sa më shumë vota. 74 deputetë është meritë edhe e militantëve që nuk kursyen asgjë dhe u vunë tërësisht dhe egërsisht në mbështetje të hapur për PS-në. Dhe, sigurisht, kjo gjë kërkon edhe një shpërblim nga ana e Partisë Socialiste, e cila, nëpërmjet deputetëve dhe strukturave të saj në bazë, u premtoi atyre vende pune, pas zgjedhjeve. Thuhet se grupi i punës që po merret me emërimet në administratë ka nisur bashkëpunimin me drejtuesit politikë të PS-së në çdo qark. Tre deputetët e Partisë Socialiste, Blerina Gjylameti, Evis Kushi dhe Vilma Bello janë duke marrë propozimet nga krerët e qarqeve në lidhje me individët që u veçuan në fushatën zgjedhore të 25 qershorit, për të qënë atë më “të shpërblyerit” në administratë bazuar në kriteret që kërkohen për çdo pozicion. Problemi i punësimit të militantëve doli gjatë korrikut e gushit, kur u zhvillua turi i dëgjesave me qytetarët, deputetët dhe drejtuesit e qarqeve hartuan dhe listën me personat më aktivë në fushatë për të qënë ata pretendentët në punësimet e reja. Nga kjo listë përjashtohen kandidatët për deputetë, të cilët ishin në vendet jopërfituese të listës, për të cilët dhe kryeministri Rama është shprehur se do të jenë pjesë e qeverisjes së re. Gazeta "Panorama" analizon fenomenin, duke parashikuar te gjitha levizjet neper ministri, pas riorganizimit te qeverise "Rama 2".

Edhe pse Rama ka kërkuar që “sipas kontratës me popullin” do të punësohen më të mirët, pa dallime partiake, ai nuk mund t’i shpëtojë dot militantëve të cilët ia dhanë timonin tërësisht në dyuart e tij për katër vjet. Kryeministri Edi Rama është shprehur se do të ketë testim të administratës publike, por pak gjasa ka që kjo të ndodhë sepse “testimet” janë sa për sy e faqe dhe militantët do të zënë postet e premtuara para 25 qershorit. Me largimin e LSI-së janë krijuar shumë hapësira në administratën publike, si në pozicionet drejtuese, ashtu edhe ato më të ulëta dhe punësimi i militantëve ka kohë që ka filluar dhe pritet që deri në fund të dhjetorit të plotësohen të gjitha vendet bosh, kohë që përputhet edhe me anën ligjore të "konkurseve" dhe "testimeve" në administratë.