Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Pse nuk arrestoni Saimir Tahirin?”, qeveria bën hapin e parë, pas kritikave të Bundestagut gjerman

Politiko 26 Prill 2018, 11:57

“Pse nuk arrestoni Saimir Tahirin?”, qeveria bën hapin e

Një ditë pas vizitës së kryeministrit Edi Rama në Berlin, vjen reagimi i parë i qeverisë për çështjen “Tahiri”.

Institucioni i parë që ka reaguar një ditë pas edhe kritikave të deputetëve të Bundestagut gjerman, të cilët i kërkuan llogari Ramës gjatë takimit të djeshëm se përse nuk i është hequr imuniteti dhe nuk është arrestuar një ish-ministër me akuza të tilla të rënda nga opozita për përfshirjen e tij në trafikun e drogës, është DSIK, Drejtoria e Sigurimit të Informacionit të Klasifikuar.

Ky institucion i ka dhënë “ok” anëtarëve të Komisionit Hetimor për çështjen “Tahiri” që të pajisen me certifikata sigurie.

Kështu, deputetët e opozitës do të kenë më shumë akses në dokumente të cilësuara sekret në disa institucione të larta, përfshirë edhe SHISH, sa i takon hetimeve për Tahirin.

Kujtojmë se gjatë takimit me deputetët e Bundestagut, Rama është pyetur se përse Tahirit nuk i është hequr imuniteti dhe pse u mbrojt nga mazhoranca e majtë.

Nga ana tjetër, mësohet se Rama është përgjigjur duke thënë se Tahirit i është hequr plotësisht imuniteti.

Një ditë më parë, deputeti demokrat Enkelejd Alibeaj, në një deklaratë për median u shpreh se Edi Rama bllokon opozitën për hetimin në Komisionin “Tahiri”.

Alibeaj shprehet se në 6 muaj që nga ngritja e komisionit hetimor nuk është bërë asnjë veprim i rëndësishëm hetimor.

Deklarata e plotë e deputetit Enkelejd Alibeaj, anëtar i komisionit “Tahiri”

6 jave pas ngritjes së komisionit hetimor “Tahiri”, nuk është bërë asnjë veprim i rëndësishëm hetimor, sepse puna e anëtareve, përshirë kryetarin, është bllokuar me urdhër të arkitektit dhe përfituesit kryesor të kanabizimit të vendit, kryeministrit Edi Rama.

Me një urdhër të paligjshëm, Edi Rama ka urdhëruar Drejtorinë e Sigurimit të Informacionit të Klasifikuar (DSIK), që të vonojë dhe bllokojë pajisjen me çertifikatë sigurie të deputetëve të opozitës në Komision. Pa asnjë arsye ligjore, Drejtoria, nën varësinë direkte të Ramës, ka refuzuar zyrtarisht edhe pajisjen tonë me çertifikatë provizore sigurie, pavarësisht se kjo është një praktikë normale punë e DSIK-së dhe që jepet brenda ditës‎.

Pa çertifikatën e sigurisë, ne nuk mund të shohim dokumentat sekretë që kanë filluar të vijnë nga disa institucione. Pengimi i punës se Komisionit Hetimor është një veprim kriminal, për të cilin Drejtori i DSIK do të mbajë përgjegjesi! Askush nuk mund të pengojë veprimtarinë e Komisionit Hetimor, edhe kur urdhërohet nga Edi Rama apo mbrohet prej tij.

DSIK, nën varësinë e Edi Ramës, është i njëjti institucion që ka pajisur me çertifikate sigurie brenda ditës Saimir Tahirin, i çertifikuar ndërkombëtarisht për trafik ndërkombëtar droge. Me shumë gjasë, Saimir Tahiri duhet ta ketë akoma të vlefshme çertifikatën e sigurisë dhe, po të ishte anëtar i komisionit, do të shihte dokumentet sekrete që provojnë se ai ka qenë në dijeni, ka ndihmuar, ka bashkëpunuar dhe ka përfituar nga trafiku i drogës, duke e shndërruar policinë në një organizatë kriminale.

DSIK, që po bën kamikazin politik për Edi Ramën kundër opozitës, ka pajisur më çertifkatë sigurie edhe drejtuesit e lartë të Policisë së Shtetit, që sot janë në kërkim ndërkombëtar për të njëjtën vepër penale si Saimir Tahiri, trafik ndërkombëtar droge.

Partia Demokratike i bën thirrje Edi Ramës të heqë dorë ‎nga praktikat e paligjshme të bllokimit të punës së Komisionit Hetimor dhe cënimit të së drejtes kushtetuese të opozitës për kontroll parlamentar!

Edi Rama nuk e shpëton dot Saimir Tahirin! Siç thotë sot gazeta gjermane Die Ëelt, “Tahiri është një nga ato raste që prishin dhe përcaktojnë imazhin e Shqipërisë në pjesën tjetër të Europës.”