Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Pu pu pu sa rëndë”, Manjani: Rama u tërhoq nga gjyqi me 'Bild' me bisht ndër shalë

Politiko 12 Prill 2020, 16:43

“Pu pu pu sa rëndë”, Manjani: Rama u tërhoq nga gjyqi

Ish-ministri i Drejtësisë Ylli Manjani publikoi një status të dielën, ku njofton se kryeministri Edi Rama është tërhequr nga padia ndaj gazetës gjermane “Bild”. Sipas Manjanit Rama është tërhequr më “bisht ndër shalë”. Rama bëri padi ndaj “Bild” pasi gazeta gjermane publikoi audio përgjime, ku shfaqej kryeministri dhe deputetë të Partisë Socialiste që flisnin për votat në Dibër. Rama e quajti këtë një lajm të rremë. Ndërkohë, Ylli Manjani edhe pse e cilëson këtë një tërheqje, kërkon që drejtësia duhet të vihet në vend për të mësuar se kush i çoi te “Bild” përgjimet.

Reagimi Ylli Manjani

Ku e lamë? Te gjyqi me BILD.

Asnjë gjyq nuk ka fituar jashtë Shqipërie Kryeplaku u Surrelit! As gjyqet e shtetit e as të vetat.

Edhe nga gjyqi që do bënte me BILD qënka tërhequr me bisht ndër shalë.

Pra atje, tek "Drejtësia e vërtetë" sic tha dhe vetë me pompozitet, u nis të heqë vetllat po la sytë. Ja preu rradakja se ka në dorë edhe gjykatat gjermane...

Lider global tjetri! Kryetar i OSBE që u mbyll gojën mediave të vendit të vet dhe kujton se ka në dorë edhe mediat e huaja.

Pu pu pu pu pu sa rëndë!

Me thënë të drejtën po e prisja jo pa kuriozitet një gjykim në Gjermani, mbi një çështje të super provuar nga BILD.

Por u tërhoq!

Iku si frikacak i kapur në flagrancë nga mashat e veta.

E mbani mend me çfarë pompoziteti na njoftoi se "...firmosa autorizimin për avokatin. Do ta hedh në gjyq BILD, në Gjermani. Te drejtësia e vërtetë..". Kështu tha. (Meqë ra fjala sa mund ti ketë vajtur fatura e shërbimeve të avokatisë?!)

Ja fundi i pompozitetit! Ia theu turinjtë muri me provat zyrtare të shtetit të vet që iu vunë përpara, mu tek "drejtësia e vërtetë".

E kujt ja bënë pa? Kryetarit më të madh të OSBE-së, ndër të tjera.

Qesharak pa fund!

Ndërkohë, media Gjermane jo vetëm që nuk mbylli gojën, por vijon ta denoncojë rregullisht Kryeplakun si sundimtar në Shqipëri.

Megjithatë insistoj që Prokuroria jonë këtu duhet ta çojë deri në fund atë çështje dhe krahas pyetjes se kush vodhi votat, duhet të sqarojë se KUSH JA DHA MEDIAS GJERMANE DISQET ME PROVA ZYRTARE?!

Krahas shkatërruesve të zgjedhjeve duhet të mbajnë përgjegjësi edhe shkatërruesit e hetimit, që nxorrën provat në publik. Druaj se lufta e rreptë brenda llojit nuk njeh kufinj... Por, hetimi duhet ta sqarojë këtë gjë.

Pa asnjë dyshim kjo përgjegjësi nuk i kërkohet medias,në asnjë rrethanë.