Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Publikohet drafti/ 50% e tarifave për studentët me mesatare 6 do paguhen nga qeveria; 100% për ata me mesatare 10

Politiko 19 Dhjetor 2018, 15:21
Publikohet drafti/ 50% e tarifave për studentët me mesatare 6 do

Në media po qarkullon një projektvendim i Qeverisë shqiptare, ku parashikohet të përmbushen tetë kërkesat e paraqitura nga studentët. Raportohet se ky draft është ende në diskutim dhe mund të plotësohet me propozime të tjera, që mund të vijnë edhe nga studentët.

Sipas këtij drafti, ende i pa konfirmuar në rrugë zyrtare, studentët do të përfitojnë ulje të tarifave nga 50% deri në 100%. Për studentët me mesatare 6 deri në 8, 50% e tarifës do të paguhet nga qeveria, studentëve me mesatare 8 deri në 9 do u paguhet 75% e tarifës, ndërsa studentët me mesatare mbi 9-të nuk do të paguajnë asnjë tarifë.

Tarifë nuk do të paguajnë as të verbërit dhe studentët paraplegjikë e tetraplegjikë. Në draft thuhet se realizimi i kësaj pike do të bëhet deri në janar të 2019-ës.

Por, ajo që nuk thuhet në këtë draft është nëse kjo skemë do të aplikohet vetëm për këtë vit akademik apo do të vijojë edhe në vitet e ardhshme.

Sa i përket kartës së studentit, ajo parashikohet të jetë gati vetëm në shtator të vitit të ardhshëm.

Drafti i plotë:

PIKA 1

  • Tarifat të paguhen nga qeveria nga 100% deri në 50% me shkallëzim.

  • 100% për studentët me mesatare 9 deri në 10, për studentët nga familje në ndihmë ekonomike, si edhe për të verbërit dhe studentët paraplegjikë e tetraplegjikë. Këto dy kategori mund të kenë edhe një bursë prej 100 USD.

  • 75% për studentët me mesatare 8 deri në 9

  • 50% për studentët me mesatare 6 deri në 8

(50% po ashtu me mesatare më të ulët se sa 6, por deri në fundvitin akademik 2019-2020. Kjo bëhet për një mundësi të barabartë në një start të ri dhe për këtë arsye asnjë student, pavarësisht mesatares, nuk do të paguajë më shumë se sa 50% të tarifës deri në vitin e ardhshëm akademik).

Skema e shkallëzimit meritokratik është ende në diskutim dhe të gjithë janë të ftuar të kontribuojnë me mendimin e tyre.

Afati i zbatimit: Janar 2019

PIKA 2

  • Të krijohet një faqe online, ku të publikohen të gjitha buxhetet dhe shpenzimet e Ministrisë së Arsimit, Sportit e Rinisë dhe çdo IAL-i publik. Faqja të shërbejë edhe si një platformë, për ekspozimin e akteve të korrupsionit apo të shkeljeve të çdo lloji në universitet.

Afati i zbatimit: Janar 2019

PIKA 3

  • Çdokush që ka njohuri për një praktikë ndërkombëtare, ku pesha e votës së studentëve në zgjedhjet në universitet është siç kërkohet në këtë pikë, është i lutur ta bëjë publike. Momentalisht po punohet për ta adresuar këtë pikë, duke parë me detaje çështjen e përfaqësimit të studentëve në vendimmarrje, sipas praktikave më të mira ndërkombëtare.

Afati i vendimit: Janar 2019

PIKA 4

  • Transparenca e titujve shkencorë është aktualisht një detyrim ligjor i Universitetit. Sidoqoftë po punohet për një propozim konkret si më poshtë, që meriton të diskutohet.

  • Biblioteka Kombëtare të ngrejë një portal të unifikuar, ku të hidhen të gjitha doktoraturat.

Të digjitalizohen doktoraturat që janë në letër (hardcopy). Kontrolli antiplagjiaturë i tyre të kryhet nëpërmjet një softëare-i të posaçëm dhe të gjitha rastet e dyshuara t'i kthehen Komisioneve të Posaçme Universitare për rivlerësim.

  • Ministria e Arsimit, Sportit e Rinisë nga ana e saj, të nisë Verifikimin e Kritereve të Ligjshmërisë për titujt akademikë.

Afati i fillimit të zbatimit: Mars 2019

PIKA 5

  • Qeveria të shkarkojë të gjithë anëtarët e bordeve të emëruar nga MASR. Anëtarët e rinj të emërohen nëpërmjet një procesi të hapur, ku figura publike dhe ekspertë me profil të lartë, të zgjidhen rojtarë të interesit publik në administrimin e Universiteteve. Po hulumtohen praktikat më të mira ndërkombëtare për të parë mundësinë që njëri prej anëtarëve të vijë nga trupa studentore.

Afati i zbatimit: Shkurt 2019

PIKA 6

  • Marrëveshja e nënshkruar në nëntor me Qendrën e Shërbimeve Arsimore Franceze, për ta bërë kartën tonë pjesë të European Student Card (ESC) është një bazë shumë e mirë për finalizimin e këtij procesi

Të miratohet VKM me shërbimet që do të ofrohen me çmim të reduktuar për studentët. Të fillojë procesi i pajisjes me Kartën e Studentit dhe të pajisen të gjithë studentët.

Afati i zbatimit: Shtator 2019

PIKA 7

  • Të përfundojë procesi i blerjes dhe vënies në dispozicion të studentëve të Bibliotekës Universitare Digjitale. Të gjitha Universitetet në vend do të kenë akses në bibliotekën elektronike universitare, si dhe në databazën kombëtare të doktoraturave.

Afati i zbatimit: Mars 2019

PIKA 8

  • Të nisë vlerësimi i performacës për çdo IAL në vend, ku elementët kyç do të jenë:

- Sondazhi Kombëtar i Studentëve për çdo pedagog, program mësimor; departament e fakultet;

- Vlerësimi i Produktit Kërkimor për çdo department, fakultet dhe IAL;

- Vlerësimi i jashtëm i cilësisë, në përputhje me ”Kodin e Cilësisë së Arsimit të Lartë”.

Afati i fillimit të zbatimit: Mars 2019

Shënim: Gjithë sa më lart është në fazën e diskutimeve në grupet e punës, të cilat mirëpresin çdo sugjerim. Ndërkohë, më poshtë çdo individ i interesuar, është i ftuar të kontribuojë me opinione, ide, sugjerime a kërkesa për Universitetin në tërësi dhe universitetin apo fakultetin e tij në veçanti.

Të fundit