Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Publikohet lista e zgjedhësve; Ministria e Brendshme: Të drejtë vote kanë 3,536,015 shtetas shqiptarë

Politiko 25 Maj 2019, 11:40
Publikohet lista e zgjedhësve; Ministria e Brendshme: Të drejtë

Ministria e Brendshme njofton se ka përfunduar listën përfundimtare të zgjedhësve, për zgjedhjet lokale të 30 qershorit.

Nga të dhënat e gjeneruara nga Drejtoria e Përgjithshme e Gjendjes Civile të drejtën e votës e kanë 3,536,015 shtetas shqiptarë, ndër ta, 132.788 zgjedhës votojnë për herë të parë; 51 % e zgjedhësve janë meshkuj dhe 49 % femra.

Sipas MB-së, lista Përfundimtare e Zgjedhësve ka përmirësime të dukshme në raport me zgjedhjet e kaluara, qoftë ato për pushtetin vendor të vitit 2015, ashtu edhe ato parlamentare të vitit 2017.

“Për herë të parë u arrit të zbardheshin adresat e sakta për rreth 285 mijë zgjedhës, të cilët në vend të adresës së vlefshme kishin kodet 999, 888 dhe 000 në listën zgjedhore, duke i eleminuar këto kode. Në listën e përditësuar janë hequr dublikimet dhe votuesit mbi 100-vjeçarë, si dhe emrat e personave që vuajnë dënimin në burgje, sipas përcaktimeve të ligjit, në kuadër të ‘Dekriminalizimit’. Ministria e Brendshme thekson se i gjithë procesi i hartimit të Listës Përfundimtare të Zgjedhësve është kryer nën mbikëqyrjen e auditëve teknicienë të KQZ-së, të cilët kanë pasur akses të plotë në çdo etapë të këtij procesi”, thuhet në njoftim.

Më herët kanë qenë partitë opozitare që kanë ngritur akuza dhe dyshime mbi mënyrën se si po hartohet lista e zgjedhësve. Zyrtarë të PD dhe LSI kanë deklaruar se lista ka parregullsi të shumta, madje shumë votues do të kenë probleme në gjetjen e qendrës së votimit.

Sa i përket zgjedhjeve të 30 qershorit, opozita refuzon të marrë pjesë pasi ka vendosur si kusht largimin e kryeministrit Edi Rama. Së fundmi, qëndrimi i partisë gjermane në pushtet CDU/CSU për shtyrjen e datës së zgjedhjeve ka ndryshuar situatën në favor të opozitës, por kryeministri Rama vijon të mos tërhiqet. Edhe presidenti i Republikës, Ilir Meta është shprehur i gatshëm për të shtyrë zgjedhjet, si një mundësi të për të gjetur zgjidhje mbi krizën e rëndë politike në të cilën ndodhet vendi.

Të fundit