Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Puna më stresuese në botë, cili nga profesionet ka më shumë stres

Politiko 9 Qershor 2018, 19:06
Puna më stresuese në botë, cili nga profesionet ka më

Po të pyesni njerëzit se cilat janë profesionet më stresuese do të thonë neurokirurg, çaktivizuesh bombash, minator apo agjent burse. Por sipas një studimi para disa vitesh rezulton se janë  punët e papaguara dhe të pavlerësuara ato që i bëjnë njerëzit që të jenë më të stresuar dhe si rrjedhojë, të kenë pasoja më të rënda në shëndet.

Shkencëtarët kinezë thonë se punët e paguara pak, por që kanë shumë ngarkesë, si për shembull, kamerierët, i bëjnë punëmarrësit që të kenë rrezik më të madh për sëmundjet e zemrës dhe 58% më shumë mundësi për të pasur goditje në tru. Ndryshe ndodh me shkencëtarët dhe arkitektët, që kanë profesione më pak stresuese dhe si rrjedhojë, më pak rrezik për sëmundje zemre.

Kërkuesit thonë se njerëzit që përjetojnë nivele të larta stresi në punë, kujdesen më pak për veten dhe shpesh pinë alkool ose duhan. Gjithashtu, shumë prej tyre janë të detyruar të punojnë me turne, çka çon në shëndet të dobët dhe rrezik për kancer.

“Pasja e shumë stresi në punë lidhet me sëmundjet e zemrës”, thotë Dingli Xu, mjek në Universitetin Mjekësor Jugor në Kinë.

Shkencëtarët thonë se stresi në punë lidhet shumë me kontrollin dhe të qenit i respektuar. Ndërsa doktorët, mësuesit dhe profesionet e tjera mund të kenë punë të rënda mendore, ata ndihen të vlerësuar dhe si rrjedhojë nuk janë shumë të stresuar. Ndërsa punët në industrinë e shërbimit janë shpesh nën fshikullimin e klientëve dhe shefave. Ata shpesh punojnë me orë të gjata.

Në vitin 2012, punonjësja e “McDonald”, Sarah Finch, 19 vjeçe, hodhi në gjyq kompaninë pasi e pushuan për sjellje jo të mirë, sepse i kishte hedhur një punonjëseje tjetër më shumë çokollatë seç duhej në racionin e saj. Punët u klasifikuan në katër grupe duke u bazuar në: sa shumë kontroll kishin punëtorët mbi punën e tyre, sa shumë punonin, kërkesat psikologjike të punës, duke përfshirë afatet dhe mbingarkesën mendore.

Punë shumë stresuese u cilësuan ato të industrisë së shërbimit, duke përfshirë kamerierët dhe ndihmën infermierisë. Në krahun tjetër, punë me pak stres cilësohen shkencëtarët dhe arkitektët. Punët pasive ishin ato me pak kërkesë dhe pak kontroll, si kopshtarët, minatorët dhe punëtorët e krahut dhe punë aktive cilësohen ato të profesionistëve që kanë detyra të vështira, por janë autonomë

Të fundit