Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Punoni me martesën tuaj para se të sillni në jetë një fëmijë

Politiko 22 Nëntor 2018, 16:58

Punoni me martesën tuaj para se të sillni në jetë një

Nëse jeni një çift që prisni një fëmijë, ndoshta është koha të bëni disa ndryshime në përditshmërinë tuaj. Edhe nëse nuk dalloni asnjë shqetësim në horizontin martesor dhe keni plot miq, nuk ka asnjë garanci që kjo do të mbetet e pandryshuar pasi bebja të vijë në jetë. Disa ide:

Filloni hetimin e mëngjesit dhe pasdites

Nisni të mbani kontakte të rregullta me njëri-tjetrin. Kontaktoni dy herë në ditë, një herë në mëngjes e një herë pasdite, thjesht e shpejt me një telefonatë, postë elektronike apo mesazh të shkruar.

Përse dy herë? Mëngjesi ju lejon të shihni si ka nisur dita. Pasditja ju ndihmon të përgatiteni për darkën. Prindërit e rinj kanë vetëm një të tretën e kohës që kishin pa fëmijë për të qëndruar vetëm. Kjo është një tjetër formë e izolimit shoqëror.

Duke filluar që tani, sa keni akoma energji, do t’ju japë hapësirë për ta zhvilluar këtë zakon përpara se të vijë fëmija, kur nuk do t’ju mbetet më energji.

Programoni seks rregullisht

Po, gëzimi i madh i intimitetit fizik përfshin një racion të shëndetshëm spontaniteti. Problemi është se, kur të sillni beben në shtëpi, spontaniteti fluturon nga dritarja. Veprimtaria seksuale zakonisht bie ndjeshëm pas lindjes së një fëmije dhe humbja e intimitetit emocional që e shoqëron, mund të jetë shkatërruese për çiftet. Programimi i seksit – shpeshtësia varet nga ju – mund t’ju mbrojë ndaj kësaj prirjeje. Gjithashtu, ajo i jep secilit partner kohë për t’u shkarkuar mendërisht , për të ardhur në humor. Përpiquni të përfshini dy lloje seksi në jetën tuaj: seksin spontan dhe seksin e programuar.

Zhvilloni refleksin e empatisë me partnerin tuaj

Një grua pjesëmarrëse në një prej projekteve tona studimore, kohë e fundit është trajnuar për të fituar refleksin e empatisë. Po bënte pazar pas një dite të gjatë pune, kur zbuloi para se të paguante se në bllokun e çeqeve kishin mbetur vetëm bishtat e letrave të grisura. Mori në telefon të shoqin për ndihmë. Po, në vend të kësaj, dëgjoi një leksion të tërë mbi papërgjegjshmërinë: Përse nuk e kontrollove bllokun përpara se ta merrje? Ku i ke lekët rezervë?

“Nuk janë këto fjalët që duhet të më thuash”, i kujtoi. “Ja si duhet të më thuash: dukesh e lodhur, zemër, e irrituar, e inatosur. Të kanë hipur nervat ngaqë të më merrje mua në telefon, ishte gjëja e fundit që të shkonte ndërmend pas një dite të lodhshme; dhe ndoshta e turpëruar dëshiron të shkosh në shtëpi”. E nxori telefonin përpara fytyrës dhe bërtiti: “Kështu duhet të flasësh, teveqel!”

Pastaj e mbylli. Epo, kjo pjesa e fundit nuk hyn në trajtim. Çdokujt i duhet praktikë në dy hapat e leximit të emocioneve dhe hamendësimit të shkakut. Burimi më i zakonshëm i konfliktit është hendeku mes qëllimeve të panjohura të një personi dhe sjelljes që vërehet së jashtmi. Ky hendek mund të kapërcehet me anë të empatisë.

Pajtohuni me maturi

Nëse ziheni përpara fëmijëve, pajtohuni po përpara tyre. Kjo i lejon ata të modelojnë mënyrën si të zihen edhe si të pajtohen.

Balanconi ngarkesën e punëve të shtëpisë

Djema, filloni të ndihmoni në punët e shtëpisë që tani. Bëni një listë të punëve që bën gruaja juaj dhe një listë të atyre që bëni ju. Kini parasysh se kjo listë shpesh parashikon shkallën e divorceve në SHBA. Kështu që ndryshojeni listën dhe balancojeni. Pasi lista të jetë rinegociuar, filloni menjëherë nga ndryshimi. Përpara se të vuani mungesat e gjumit. Përpara se të izoloheni. Përpara se të ziheni.

Ekziston madje edhe një mbështetje empirike se do të bëni më shumë seks në këtë rast. Pa tallje. Dikush po e studion këtë teori.