Flash News

Përfshihet nga flakët një stallë në Fier, digjen mjete bujqësore e dengje bari

Taulant Xhaka prezantohet si trajner-lojtar te i skuadra shqiptare në Zvicër

Ministri i Jashtëm iranian pranon dëmet serioze në centralet bërthamore

Bleu vota për të bijën, SPAK çon për gjykim babain e kandidates së PSD-së

Rusia përgatit ofensivë verore me ndihmën e trupave nga Koreja e Veriut në Ukrainë

KRYESORE

Qëlloi me armë shokun e ngushtë, zbardhet dëshmia e autorit të vrasjes në Shkodër: E kam vrarë gabimisht! Nuk e dija që ishte aty

Politiko 19 Gusht 2020, 12:36
Qëlloi me armë shokun e ngushtë, zbardhet dëshmia e autorit

Zbardhet dëshmia e autorit të vrasjes së të riut Gledis Kraja mbrëmjen e së hënës në Shkodër. I penduar dhe i rënduar psikologjikisht nga ngjarja, autori i krimit Stjuart Smakaj ka rrëfyer se e vrau aksidentalisht shokun e tij.

Në dëshminë e tij në polici, Smakaj është shprehur se gjithçka kishte nisur pas një sherri që kishte patur me një tjetër person, Denis Halilin, për parkimin e kamionit të mobilieve, të cilat i kishin porositur dy vëllezërit. “Pas debatit, Halili u largua në drejtim të makinës së dezinfektimit”, rrëfen Smakaj, çka ka bërë që ai të dyshonte se mund të shkonte për të marrë ndonjë armë për ta vrarë.

I ndodhur në këtë situatë, Smakaj u ngjit menjëherë në katin e dytë të pallatit ku banonte dhe ka marrë armën me idenë për të qëlluar Halili, por që nuk e dinte se pas makinës ka qenë edhe shoku i tij, Gledis Kraja.

“Kam qëlluar në drejtim të makinës, ku ishte Denisi, por nuk e dija se aty kishte shkuar edhe shoku im dhe e kam vrarë gabimisht”, u shpreh Smakaj.

Ndërkaq në dëshminë e tij, shtetasi Denis Halili u shpreh se kur ka ikur në drejtim të makinës, atë e ka ndjekur nga pas shtetasi Gledis Kraja që të mos futej brenda në mjet. Në atë moment kur të dy ndodheshin te makina kanë dëgjuar krismat e armës. “Kam ikur me shpejtësi, jam shtrirë dhe më pas kam ikur me vrap për t’i shpëtuar plumbave. Duke ikur kam parë se Gledis Kraja ishte plagosur dhe ra në tokë”, ka deklaruar Halili.

Stjuart Smakaj u vetëdorëzua një ditë më parë, duke pranuar krimin e kryer, ku humbi jetën shoku i tij i ngushtë. Në këtë ngjarje ishin përfshirë në njërën anë vëllezërit Smakaj, shoku i ngushtë Gledis, që humbi jetën, babai i tyre dhe disa persona të tjerë, ndërsa në anën tjetër pronari i mobilierisë nga Fushë Kruja, kunati i pronarit dhe shtetasi Denis Halili bashkë me shoferin e kamionit të mobilerisë.

Ndërkohë, në kërkim është ende shtetasi Sebastian Smakaj.

Të fundit