Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Qeveria hap aplikimet, përfundon mandati i tre anëtarëve të Këshillit Mbikëqyrës të BSH-së

Politiko 19 Shtator 2018, 16:58

Qeveria hap aplikimet, përfundon mandati i tre anëtarëve të

Qeveria ka hapur konkursin për të gjithë të interesuarit për anëtar të Këshillit Mbikëqyrës të Bankës së Shqipërisë.

Në njoftim bëhet e ditur se aplikimet hapen pasi tre anëatrë aktual të Këshillit Mbikëqyrës u ka përfunduar mandati, dhe sipas ligjit për Bankën e Shqipërisë, Këshilli i Ministrave është institucioni përgjegjës për propozimin e tre anëtarëve të cilët zgjidhen dhe emërohen nga Kuvendi.

Afati për dorëzimin e aplikimeve është data 30 shtator ndërsa janë publikuar edhe kriteret që duhet të plotësojnë aplikantët.

Aplikanti duhet të plotësojë kriteret, si më poshtë vijon:

Të ketë:

a) arsimin e lartë ekonomik ose juridik;

b) përvojë profesionale në çështje financiare dhe bankare;

c) kualifikime profesionale të profilit;

ç) përvojë pune mbi pesë vjet në administratën publike ose në institucionet financiare dhe bankare.

Të mos ketë pengesat e mëposhtme:

a) është dënuar nga gjykata për një vepër penale, për të cilën ligji parashikon dënimin me burgim;

b) është në pamundësi për të paguar detyrimet monetare ose është deklaruar i falimentuar dhe nuk është rehabilituar;

c) është ndaluar ose pezulluar nga gjykata të ushtrojë detyrën si nëpunës shtetëror apo në shërbimin publik ose të ushtrojë veprimtarinë apo mjeshtërinë;

ç) gjatë ushtrimit të detyrës, në mënyrë aktive merr pjesë në veprimtari politike.

Funksioni i anëtarit të Këshillit Mbikëqyrës është i papajtueshëm me atë të Presidentit të Republikës së Shqipërisë, të deputetit në Kuvend, të anëtarit të Këshillit të Ministrave, si dhe të punonjësit, të administratorit dhe të aksionarit, me pjesëmarrje ndikuese në bankën e nivelit të dytë ose në subjektet që licencohen nga Banka e Shqipërisë.

Dokumentet që duhet të dorëzohen janë:

⦁ Kërkesë për aplikim;

⦁ Kopje e letërnjoftimit;

⦁ Curriculum Vitae në gjuhën shqipe;

⦁ Dokumente të diplomimit dhe të kualifikimeve profesionale të kërkuara;

⦁ Dokument që të provojë vjetërsinë në profesion;

⦁ Formular të plotësuar e të firmosur të vetëdeklarimit për garantimin e integritetit të personave që zgjidhen, emërohen ose ushtrojnë funksione publike, në përputhje me ligjin nr.138/2015, të ndryshuar;

⦁ Vetëdeklarim se nuk është në pamundësi për të paguar detyrimet monetare ose deklaruar i falimentuar;

⦁ Vetëdeklarim se nuk është ndaluar ose pezulluar nga gjykata të ushtrojë detyrën si nëpunës shtetëror apo në shërbimin publik ose të ushtrojë veprimtarinë apo mjeshtërinë;

⦁ Vetëdeklarim se gjatë ushtrimit të detyrës nuk merr pjesë në mënyrë aktive në veprimtari politike.

(Deklarimi i rremë, përveç përgjegjësisë penale sipas ligjit, sjell përjashtimin

nga çdo procedurë e mëtejshme.)