Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Qeveria ka probleme serioze”, Preçi: Duhen tre konsensuse të mëdha për amnistinë

Politiko 21 Prill 2020, 16:41

“Qeveria ka probleme serioze”, Preçi: Duhen tre konsensuse

Eksperti i financave Zef Preçi shprehet se zgjatja e gjendjes së jashtëzakonshme do të përkeqësojë situatën në vend. Në një deklaratë për “Ora Neës”, Preçi deklaroi se qeveria është në vështirësi serioze për të mbledhur të ardhurat buxhetore, ndaj, thotë eksperti, qeveria po bën amnistinë me shpresën se njerëzit do të deklarojnë pasuritë e tyre.

“Amnisti të pjesshme janë bërë edhe më parë. Amnistia e fundit është pjesë e paketës për ndihmën për të kaluar krizën. Zgjatja e gjendjes së jashtëzakonshme do të përkeqësojë situatën në vend. Qeveria ka probleme serioze me sigurimin të ardhurave buxhetore dhe dihet që ekonomia është e pezulluar pjesërisht. Nuk dihet se sa do zgjasë kjo. Paketa e dytë e ofruar për biznesin nuk ka dhënë ato rezultate që priteshin ndaj mund të themi që situata mund të përkeqësohet. Ofron amnistinë fiskale me idenë që bizneset dhe individë kanë fshehur paratë. Duhet pranuar se qarkullimi i parave të inkriminuar ka bërë që të vendos presion mbi qeverinë e bankat që t'i vendosë në punë këto para. Të marrë sëbashku këto faktorë me vështirësitë që ka qeveria për të mbushur arkën e shtetit, borxhin publik gati për të dalë jashtë kontrollit”, tha ai.

Preçi shton gjithashtu duhen tre komponentë të rëndësishëm për të kryer një amnisti fiskale. “Për të pasur një amnisti fiskale, të gjitha studimet tona dhe të të huajve kanë provuar që janë të nevojshme të minimalisht 3 konsensuse të mëdha. Së pari ka nevoj të ketë konsensus publik mes njerëzve. Ajo pjesë e bizneseve që kanë paguar rregullisht tatimet dhe taksat e shtetit të mund të pranojë që ajo pjesë që ka abuzuar të mos legjitimohet. Kufiri mes informales dhe formales në Shqipëri kohët e fundit thuajse është fshirë. Së dyti kërkohet konsensus në nivel politk. Një masë e tillë nuk ka sukses nëse nuk ka konsensus mes pushtetit dhe opozitës.

Shihet si një lloj perspektive për të prerë urat me të shkuarën dhe për të parë një të ardhme tjetër. Ndërsa konsensus i tretë është konsensusi me institucionet financiare ndërkombëtare kryesisht me FMN. Pasi vendet si Shqipëria nëse marrin nisma të tilla pa konsultimin e nevojshëm me këto institucione detyrimisht rritet kosto e borxhit, monitorimi i vendit ndryshon negativisht. Duke i marrë në tërësi mendoj se është një nismë e panevojshme, reflekton nevojën e qeverisë për para në këtë kohë, por nuk mendoj se u shërben interesave imediate të ekonomisë. Kërkohet një analizë për të shkuar tek ato grupet që të amnistohen”, shprehet Preçi.