Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Qeveria nënshkruan marrëveshje 12.5 miln euro me ‘KfW’ për punësimin dhe efiçencën e energjisë

Politiko 19 Dhjetor 2017, 15:22
Qeveria nënshkruan marrëveshje 12.5 miln euro me ‘KfW’

Qeveria shqiptare dhe Banka Gjermane për Zhvillim (KfW) nënshkruan të martën, në Tiranë marrëveshjen prej rreth 12.5 milionë eurosh për financimin e disa programeve, që lidhen me nxitjen e punësimit dhe rritjen e efiçencës së energjisë.

Marrëveshja u nënshkrua nga kreu i Financave dhe Ekonomisë, Arben Ahmetaj si dhe ambasadorja e Gjermanisë, në Tiranë, Susanne Schütz.

Sipas Ahmetaj, fondet e dhëna në formë granti do të shkojnë për mbështetjen e ndërmarrjeve të vogla dhe të mesme në vend, nxitjen e punësimit të të rinjve përmes financimit të programeve të arsimit dhe formimit profesional, si dhe për rikonstruksionin e konvikteve të studentëve, në Tiranë.

Financimi i programit nga qeveria gjermane “zhvillimi ekonomik dhe rajonal, promovimi i punësimit dhe trajnimi e arsimimi profesional”, me vlerë 6 milionë euro, në vijim të dy marrëveshjeve të tjera të nënshkruara me palën gjermane gjatë vitit 2017, duke e çuar vlerën e përgjithshme të financimeve grant nga pala gjermane për këtë program në masën 16.5 milionë euro, sipas ministrit Ahmetaj, ndër të tjera synon të përfshijë rreth 20-30% e të kthyerve nga përvojat e emigracionit.

Ministri i Infrastrukturës dhe Energjisë, Damian Gjiknuri theksoi se zbatimi i programit për rehabilitimin e konvikteve në Universitetin e Tiranës, sipas parimit të efiçencës së energjisë, me vlerë 6.5 milionë euro, konsiston në rritjen e sigurisë për furnizimin me energji dhe optimizimin e burimeve të saj, me qëllim përmbushjen e kërkesës dhe arritjen e një zhvillimi të qëndrueshëm në të ardhmen.

Kryetari i Bashkisë së Tiranës, Erion Veliaj, pranishëm në këtë aktivitet, theksoi rëndësinë që ka në përmirësimin e jetesës së 600 studentëve, rikonstruksioni i konvikteve, sipas parimit të efiçencës së energjisë.

Nga viti 1988, Gjermania e ka mbështetur Shqipërinë me më shumë se 1 miliard euro përfshirë këtu kontributin në nivel të BE-së dhe të Kombeve të Bashkuara. Është investuar në të gjithë fushat si: zhvillim ekonomik, energjetikë, infrastrukturë ujore, arsim dhe formim profesional e në zhvillimin e zonave rurale dhe urbane. Vetëm në vitin 2016 dhe 2017, janë vënë në dispozicion për projekte të përbashkëta rreth 100 milionë euro.

Të fundit