Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Qeveria shqiptare tërhiqet nga bashkëpunimi me Kinën për teknologjinë 5G

Politiko 11 Dhjetor 2019, 21:04
Qeveria shqiptare tërhiqet nga bashkëpunimi me Kinën për

Qeveria shqiptare vendosi që të ndjekë këshillën e Ambasadës Amerikane dhe të tërhiqet nga marrja e teknologjisë 5G nga Kina. Ditën e sotme Këshilli i Ministrave miratoi memorandumin e mirëkuptimit me SHBA-në për sigurinë 4G dhe 5G.

Ndërsa kryeministri Edi Rama më herët foli për një bashkëpunim me kompanitë kineze për teknologjinë 5G, kjo solli reagimin e ambasadës amerikane që vazhdimisht shprehu shqetësimin që të shmangen marrëveshjet me kompanitë kineze për efekt sigurie.

“Kur flitet për infrastrukturën 5G dhe atë kibernetike kritike në Shtetet e Bashkuara dhe në vende aleate të NATO-s siç është Shqipëria, ne nuk mund të jemi më të qartë: siguria nuk mund të kompromentohet apo të shitet. Është jetike të merret në shqyrtim nëse furnizuesit i nënshtrohet kontrollit nga një qeveri e huaj pa një shqyrtim gjyqësor të pavarur, nëse respektohen të drejtat e pronësisë intelektuale, dhe çfarë të kaluare kanë palët shitëse në lidhje me respektimin e shtetit të së drejtës. Liria nuk vjen falas dhe liria nuk është në shitje”, ishte reagimi i SHBA-së.

Ndërkohë, vendimi i sotëm i marrë është:

“V E N D I M

PËR

MIRATIMIN, NË PARIM, TË MEMORANDUMIT TË MIRËKUPTIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË SHTETEVE TË BASHKUARA TË AMERIKËS, PËR SIGURINË 4G DHE 5G

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave

V E N D O S I:

Miratimin, në parim, të memorandumit të mirëkuptimit, ndërmjet Këshillit të Ministrave të Republikës së Shqipërisë dhe qeverisë së Shteteve të Bashkuara të Amerikës, për sigurinë 4G dhe 5G, sipas tekstit që i bashkëlidhet këtij vendimi.

Ky vendim hyn në fuqi menjëherë”.

 

Të fundit