Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rai 3: Mafia shqiptare, lidhje me kartelet e drogës në Amerikën Latine, njësoj si “Cosa Nostra”

Politiko 11 Tetor 2019, 22:35
Rai 3: Mafia shqiptare, lidhje me kartelet e drogës në Amerikën

Mafia shqiptare ka marrëdhënie të direkte me kartelet e drogës në Amerikën e Jugut. Ky është përfundimi që ka arritur televizioni italian “Rai 3”. Gazetarët janë ndalur te sasia e madhe e kokainës prej 617 kg që u kap në Brazil, ndërsa kanë arritur në përfundimin se rrugët e drogës kalojnë nga Shqipëria.

Sipas “Rai 3”, shqiptarët kanë ngritur laboratorë e janë po aq të fuqishëm sa edhe organizata mafioze italiane a “Cosa Nostra” .

Prokurori i antimafies, Nicola Gratteri ngre shqetësimin se duhen masa konkrete për të goditur mafien shqiptare.

“Nëse nuk e ndalon kush mafien shqiptare në Shqipëri, mafiozët do të bëhen të gjithëpushtetshëm.”

Agjentët brazilianë të antidrogës u befasuan kur panë në pakot e kokainës të sekuestruara ishte stampuar logoja e klubit të Elbasanit

Për televizionin italian “Elbasani, qyteti në zemër të Shqipërisë, konsiderohet si epiqendra e trafikut të heroinës që vjen nëpërmjet tokës nga Afganistani dhe kokainës që vjen direkt në portet e Durrësit dhe Vlorës. Është mafia shqiptare që kontrollon trafikun dhe drejton laboratorët e drogës, siç bënte ‘Cosa Nostra’ në Itali në vitet ’70. Kjo u gjet pikërisht në Elbasan, një laborator ku opiumi afgan, transformohej në heroinë”.

Të fundit