Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Tërmet i fuqishëm në Bosnjë, humb jetën një 28-vjeçare. Lëkundjet ndihen edhe në Shqipëri

Politiko 23 Prill 2022, 08:17

Tërmet i fuqishëm në Bosnjë, humb jetën një

Një tërmet me magnitudë 5.7 goditi Bosnjën jugore në orët e vona të së premtes, duke shkaktuar një të vdekur dhe duke plagosur disa të tjerë, raportojnë mediat lokale.

Një grua 28-vjeçare e cila u plagos kur një gur ra në shtëpinë e saj në qytetin Stolac, afër Mostarit, vdiq në spital, tha një burim mjekësor i cituar nga media. Disa të tjerë mbetën të plagosur lehtë, mes tyre edhe anëtarë të familjes së viktimës.

Tërmeti gjithashtu rrëzoi mure dhe shkaktoi dëme materiale në disa zona të vendit, duke përfshirë Mostarin dhe qytetin e Ljubinjes, sipas autoriteteve lokale dhe të mbrojtjes civile.

Tërmet i fuqishëm në Bosnjë, humb jetën një

Tërmeti u ndje në të gjithë Ballkanin deri në Beograd, Zagreb dhe Shkup, më shumë se 400 kilometra nga epiqendra, sipas korrespondentëve të AFP. Raportet në USGS treguan se tërmeti u ndje edhe në Shqipëri dhe në Italinë jugore.

Ajo u pasua nga disa pasgoditje më të dobëta.

Qendra Sizmologjike Evropiane-Mesdhetare paralajmëroi se “pasgoditjet ka të ngjarë të ndodhin në orët dhe ditët në vijim”.

Ballkani është i prirur ndaj aktivitetit sizmik dhe tërmetet janë të shpeshta.

Një tërmet me magnitudë 6.4 më 29 dhjetor 2020, në rajonin Petrinja të Kroacisë, pranë kryeqytetit Zagreb, vrau shtatë persona dhe shkatërroi qindra ndërtesa dhe shtëpi.

Në mars 2020, Zagrebi u godit nga një tërmet 5.3 që shkaktoi dëme të mëdha. Në nëntor 2019, më shumë se 50 njerëz u vranë në Shqipëri nga një tërmet 6.4 ballë që la gjithashtu mijëra të pastrehë.

Të fundit