Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

15 persona të ndaluar për tragjedinë në Koçan, arrestohet ish-drejtori i Drejtorisë për Mbrojtje dhe Shpëtim

Politiko 16 Mars 2025, 18:47

15 persona të ndaluar për tragjedinë në Koçan,

Ministri i Punëve të Brendshme i Maqedonisë së Veriut, Pançe Toshkovski, ka njoftuar se 15 persona janë marrë në polici lidhur me tragjedinë në diskotekën e Koçanit, ku humbën jetën të paktën 59 persona dhe 155 të tjerë u plagosën. Toshkovski konfirmoi se janë arrestuar të punësuar në Ministrinë e Ekonomisë, si dhe ish-drejtori i Drejtorisë për Mbrojtje dhe Shpëtim.

Në mesin e të arrestuarve janë edhe disa të punësuar në diskotekën ku ndodhi tragjedia, dhe sipas ministrit, disa prej të dyshuarve për shkaktimin e këtij rasti kanë ndërruar jetë. Ai theksoi se një pjesë e personave të ndaluar janë ata që kanë faj direkt për ngjarjen tragjike, sipas provave të mbledhura deri tani.

“Deri tani janë më shumë se 20 persona të dyshuar. Rreth 15 prej tyre janë në stacionin e policisë. Sipas provave të deritanishme, është arrestuar një person që dyshohet se është organizatori i ngjarjes, i cili mund të ketë faj direkt lidhur me veprat penale të kryera,” tha Toshkovski.

Ndër të arrestuarit janë ish-sekretari shtetëror i Ministrisë së Ekonomisë, një udhëheqës i një sektori të Ministrisë së Ekonomisë, ish-drejtori i Drejtorisë për Mbrojtje dhe Shpëtim dhe tre punonjës të tjerë të këtij institucioni. Hetimet për zbardhjen e ngjarjes tragjike vazhdojnë.

 

 

Të fundit