Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Abazoviç prezanton sot modelin e ri të formimit të një qeverie, si mund t'i jepet fund krizës politike në Malin e Zi

Politiko 17 Janar 2022, 11:58

Abazoviç prezanton sot modelin e ri të formimit të një

Zëvendëskryeministri i Malit të Zi, Dritan Abazoviç do të propozojë sot formimin e një qeverie të re që do të kishte më shumë mbështetje se 41 deputetë, si model për tejkalimin e krizës shumëvjeçare politike në të cilën u gjend Mali i Zi pasi qeveria e Zdravko Krivokapiqit humbi mbështetjen e mazhorancës parlamentare .

Mediat vendase shkruajnë Abazoviç synon t'u ofrojë të gjithë deputetëve të Kuvendit të Malit të Zi formimin e një pushteti të ri ekzekutiv në të cilin nuk do të kishte vend për pjesëmarrje të drejtpërdrejtë të përfaqësuesve të Partia Demokratike e Socialistëve dhe Fronti Demokratik.

Në thelb, është një koncept i një qeverie të pakicës që do të mbështetej nga të gjitha partitë apo koalicionet parlamentare që trashëgojnë idetë e integrimit euroatlantik në parimet e tyre programore.

Abazoviç informoi gjithashtu krerët e sektorit të sigurisë, ministrin e Brendshëm Sergej Sekuloviç dhe drejtorin e policisë Zoran Brdjanin mbi planin për të formuar një ekzekutiv të ri, si dhe bashkëpunëtorët më të afërt në një drekë pune në Ulqin. Synimi i tij, në rast se do të ketë mbështetje për formimin e qeverisë së re, është të mbajë në pozitat drejtuese Sekuloviç dhe Brdjanin, me të cilët Abazovic ka pasur bashkëpunim të shkëlqyer deri më tani, siç theksojnë nga Ura.

Sipas atij plani, iniciativa për besimin në Qeverinë e Zdravko Krivokapiqit do të dorëzohej në janar, ndërsa pushteti i ri ekzekutiv duhet të formohet deri në fund të shkurtit.

 

 

Të fundit