Flash News

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

KQZ nxjerr shifrat: Sa qytetarë kanë votuar deri në 14:00, si renditen qarqet

Rajoni

Ambasadori amerikan në Serbi: Duam sqarim se çfarë ka nënshkruar Beogradi me Moskën

Politiko 26 Shtator 2022, 14:51

Ambasadori amerikan në Serbi: Duam sqarim se çfarë ka

Ambasadori amerikan në Beograd, Christopher Hill deklaroi se SHBA do “sqarim nga Serbia se çfarë ka nënshkruar me Rusinë në Nju Jork”, duke nënvizuar se në këtë periudhë “askush nuk do të duhej të nënshkruante asgjë me Rusinë”, shkruan VOA.

Bëhet fjalë për një marrëveshje te re bashkëpunimi me Rusinë për “konsultime” të ndërsjella mbi çështjet e politikës së jashtme, por nuk dihen detaje.

Marrëveshja solli reagime të shumta, ku Serbia u kritikua ashpër. Ministri serb Selakoviç u përpoq të dielën të ulë rëndësinë e marrëveshjes duke theksuar se ajo është "teknike" dhe nuk lidhet me çështjet e sigurisë.

Hill tha se gjatë punimeve të Asamblesë së Përgjithshme të OKB-së, Shtetet e Bashkuara zhvilluan “bisedime të frytshme” me delegacionin e Serbisë për çështje globale por edhe çështje tjera.

"Vetëm më pas dëgjuam për atë dokument”, tha ambasadori Hill, duke theksuar se “Shtetet e Bashkuara duan sqarim nga Serbia”.

"Duam të dëgjojmë se çfarë dëshiron të bëjë Serbia në të ardhmen dhe të shohim se çfarë marrëdhëniesh do të zhvillojë me një vend që sulmoi brutalisht fqinjin e tij dhe madje shfrytëzon kërcënimet për të përdorur forcën bërthamore. Ne duam të kuptojmë se në çfarë mbështetet bashkëpunimi midis Serbisë dhe Rusisë”, shtoi ai.

 

Të fundit